Այս պահին Բաղանիսում իրավիճակը լարված է, ոստիկանները փակել են դեպի Ոսկեպար տանող Բաղանիս Այրումին հարակից ճանապարհը: Դա զայրացրել է գյուղացիներին, նրանք պահանջում են բացել ճանապարհը:

Տավուշի թեմի առաջնորդ Բագրատ արքեպիսկոպոս Գալստանյանը, որը տավուշցիների հետ հավասար պայքարում է սահմանազատման դեմ, երեկ գիշերը խոսել է Կիրանցի գյուղապետ Կամո Շահինյանի հետ, որը մանրամասներ է պատմել ՀՀ փոխվարչապետի հետ հանդիպումից։

Ֆրանսիահայ լրագրող Լեո Նիկոլյանի մուտքը Հայաստան արգելել են: Նա «Զվարթնոց» օդանավակայանում հացադուլ է հայտարարել:

Պահեստազորի գնդապետ Միհրան Մախսուդյանին կանչել են ՀՀ քննչական կոմիտե Ազատ գյուղի տարածքում տեղակայված ՀՀ ՊՆ N զորամասի վաշտի կացարանում 2023 թ. տեղի ունեցած հրդեհի գործով։ Այդ մասին նա ասաց կոմիտեի բակում հավաքված լրագրողներին։

Ամերիկացի կոնգրեսականների խումբը՝ Դինա Տիտուսի գլխավորությամբ, մտադիր է այս շաբաթ ներկայացնել Ադրբեջանի դեմ պատժամիջոցների մասին օրինագիծը։ Այս մասին Turan-ի վաշինգտոնյան թղթակիցը տեղեկացել է Կոնգրեսի աղբյուրներից։

Տավուշի մարզի Կիրանցի վարչական ղեկավարը հայտարարել է, որ ուզում է հրաժարական տալ։ Այդ մասին, Sputnik Արմենիայի տեղեկություններով, գյուղապետարանի մոտ հավաքված քաղաքացիներին ասել է ինքը` վարչական ղեկավար Կամո Շահինյանը։

ԼՂ ռուս խաղաղապահ զորախմբի մի խումբ զինծառայողներ և ավտոշարասյուն ուղևորվել են Գորիսի և Սիսիանի ժամանակավոր տեղակայման վայրեր դրանց փակման աշխատանքները կազմակերպելու համար: «Արմենպրեսի» հարցին ի պատասխան ասել է ՀՀ անվտանգության խորհրդի քարտուղար Արմեն Գրիգորյանը:

Բոլորն են դիվերսիֆիկացնում հարաբերությունները, հիմա Ռուսաստանը նույնպես Հարավային Կովկասում իր հարաբերությունները դիվերսիֆիկացնում է և դա սկսել է մեզնից առաջ: Այս մասին բրիտանական լրատվամիջոցներին տված հարցազրույցում նշել է ՀՀ վարչապետ Նիկոլ Փաշինյանը:

Ապրիլի 22-ին Երևանում տեղի ունեցավ «Թուրքիայի պատմություն. 100-ամյա պետության քաղաքական ուրվագծերը» գրքի շնորհանդեսը։ Գրքի համահեղինակ, թուրքագետ Ռուբեն Մելքոնյանն ասել է, որ սա առաջին գիրքն է, որ հայ մասնագետներն են գրել։ Աշխատությունը գրված է փաստերի և արխիվային նյութերի հիման վրա։ «Փորձ է արվել շրջանցել զգացմունքները և ներկայացնել Թուրքիան այնպիսին, ինչպիսին կա»,- ասաց նա։