ՀՀ քննչական կոմիտեն այսօր արդեն երրորդ հաղորդագրությունն է տարածել՝ անդրադառնալով «Տավուշը հանուն հայրենիքի» շարժմանը։ Հաղորդագրություններից մեկում ՔԿ-ն հորդորում է շարժման կազմակերպիչներին ու մասնակիցներին պահպանել հավաքների ազատության օրենսդրական պահանջները, դրևորել իրավահպատակ և պատասխանատու վարքագիծ։

Որևէ բռնություն, ապօրինի քայլ, հրահրում իրավապահ համակարգի կողմից անհանդուրժելի է լինելու։ Երևանի մուտքի մոտ լրագրողների հետ զրույցում այս մասին ասաց Տավուշի թեմի առաջնորդ Բագրատ արքեպիսկոպոս Գալստանյանը՝ պատասխանելով իրավապահ համակարգի` առավոտվանից տարածվող հայտարարություններին։

Տավուշի թեմի առաջնորդ Բագրատ Սրբազանը այսօր երթի մասնակիցների մոտ է եկել սպիտակ հանդերձանքով: Այստեղ են նաև ճերմակ շապիկներով ու զոհված տղաների լուսանկարներով երիտասարդներ:

ՌԴ դեսպան Սերգեյ Կոպիրկինը ակցիայի մեկնարկից առաջ ներկա գտնվեց Հայրենական մեծ պատերազմի զոհերի հիշատակին մատուցված հոգեհանգստի կարգին։  

ՌԴ սահմանապահ և զինվորական կետերը, որոնք տեղակայված են ՀՀ 5 մարզում, կդադարեցնեն իրենց տեղակայումը: Տեղեկությունը ֆեյսբուքյան էջում հայտնել է ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։

«Տավուշը հանուն հայրենիքի» շարժման մասնակիցները հակասահմանադրական որևէ քայլ չեն արել։ Աբովյան քաղաքում լրագրողների հետ զրույցում այս մասին ասաց շարժման մասնակից, ԱԺ «Հայաստան» խմբակցության անդամ Գառնիկ Դանիելյանը՝ մեկնաբանելով ԱԱԾ–ի հաղորդագրությունը։

Արցախի ԱԱԾ նախկին տնօրեն Արշավիր Ղարամյանն իր ֆեյսբուքյան էջում գրել է.

Մայիսի 4-ից Տավուշի մարզի Կիրանց գյուղից Տավուշի թեմի առաջնորդ Բագրատ արքեպիսկոպոս Գալստանյանի գլխավորած երթը, որը երեկ երեկոյան հասել էր Աբովյան քաղաք, այսօր ժամը 11։00-ին շարժվում է դեպի Երևան։ Այսօր ժամը 16:00-ին Հանրապետության հրապարակում երթի մասնակիցներն ու նրանց միացած քաղաքացիներ հավաք կանեն։  

ՀՀ ազգային անվտանգության ծառայությունը «Տավուշը հանուն հայրենիքի» շարժման աջակիցներին հորդորում է պահպանել օրինականությունը և չոտնձգել իրավակարգի դեմ։ Այս մասին ասված է ԱԱԾ–ի հայտարարությունում։