Մենք ջատագովում ենք, որ հայկական և ադրբեջանական կողմերը, և Հայաստանն ու Ադրբեջանը երկրներ են, որոնց հետ մենք դաշնակցային հարաբերություններ ունենք, մշակեն խաղաղության պայմանագիր, որը ճանապարհ կբացի և կնշանակի հարաբերությունների կայուն երկարաժամկետ կարգավորում և «ական» չի դնի ապագա սերունդների համար։ Այս մասին «Известия»-ին տված հարցազրույցում հայտարարել է ՌԴ ԱԳՆ ղեկավարի տեղակալ Միխայիլ Գալուզինը։

Ադրբեջանի համար կարևոր է ցույց տալ Արևմուտքին և Թուրքիային, թե որքան անզիջում է Ռուսաստանի հետ հարաբերություններում, «Национальная служба новостей»-ին (НСН) ասել է Պետդումայի ԱՊՀ գործերի, եվրասիական ինտեգրման և հայրենակիցների հետ կապերի կոմիտեի փոխնախագահ Կոնստանտին Զատուլինը։

Ադրբեջանը հստակ, պլանավորված շարունակում է ոչնչացնել Արցախի պատմամշակութային ժառանգությունը։ Խոսել Հարավային Կովկասի տարածաշրջանում Ադրբեջանի կրոնական հանդուրժողականության մասին, ճիշտ չէ։ Այս մասին Sputnik Արմենիայի հետ զրույցում ասաց Արցախի թեմական խորհրդի ատենապետ Լեռնիկ Հովհաննիսյանը։

Հայ դատի Ամերիկայի հանձնախումբը Միջազգային կրոնական ազատության գագաթաժողովի շրջանակներում ԱՄՆ ղեկավարությանը կոչ է արել որոշակի գործողություններ ձեռնարկել Արցախի վերականգնման, Հայաստանի անվտանգության և Սիրիայից ու Լիբանանից մինչև Երուսաղեմի հայկական թաղամաս հայ համայնքների պաշտպանության հարցերում: Այս մասին հաղորդագրություն է տարածել ՀՅԴ Բյուրոյի Հայ դատի կենտրոնական գրասենյակը։

Հայաստանի վարչապետ Նիկոլ Փաշինյանը ընդլայնված այցով մեկնում է Վաշինգտոն՝ հույս ունենալով ամրապնդել իր երկրի իմիջը Արևմուտքում՝ որպես Եվրասիական ժողովրդավարացման նոր սիրելիի։ Սակայն պարզ չէ, թե արդյոք նրա ուղերձն արձագանք գտնում է Թրամփի վարչակազմի մոտ, գրում է Eurasianet-ը։

Քաղաքագետ Բենիամին Մաթևոսյանն Alpha News-ի եթերում «Վերնագիր» հեղինակային հաղորդման ընթացքում ներկայացրել է թեմայի շուրջ մասնագիտական վերլուծություն, որում մասնավորապես ասվում է.  

Բաքվի զինվորական դատարանը երեկ՝ փետրվարի 6-ին, շարունակել է Ռուբեն Վարդանյանի և Արցախի մյուս պաշտոնյաների գործի քննությունը: Վարդանյանի գործը քննվում է առանձնացված և կշարունակվի փետրվարի 10-ին: Արցախի մյուս գործիչների գործի քննությունն այսօր է:

ԱՄՆ նախագահ Դոնալդ Թրամփի վարչակազմի կողմից Իրանի վրա գործադրվող ճնշումները կազդեն նաև Հարավային Կովկասում տիրող իրավիճակի վրա, որտեղ Ամերիկայի առաջնային աջակիցը նրա քաղաքականության մեջ կարող է լինել Ադրբեջանը: Sputnik Արմենիայի հետ զրույցում նման կարծիք է հայտնել քաղաքագետ, արևելագետ Սերգեյ Մելքոնյանը։

Մենք որևէ ստրատեգիական հետաքրքրություն չենք ներկայացնում ԱՄՆ-ի համար, երկրորդը՝ մենք այնտեղ դիվանագիտություն չունենք, պրոֆեսիոնալ դիվանագետներ չունենք, փողոցից եկած մարդիկ են, որոնք երևի չեն հասկանում, որ այսպիսի այցը վերջին պահին չեն կազմակերպում, ամիսներ առաջ պետք էր արդեն պայմանավորվածություն ունենալ՝ ում հետ եք հանդիպում, որտեղ եք գնում և այլն։ Այս մասին News.am-ի հետ զրույցում նշեց քաղաքագետ Արթուր Խաչիկյանը՝ անդրադառնալով հարցին, թե ինչու Նիկոլ Փաշինյանին ԱՄՆ-ում ոչ Թրամն ընդունեց, ոչ պետքարտուղարը: