Իրանը հարգում է Մերձավոր Արևելքի պետությունների տարածքային ամբողջականությունը, սակայն Միացյալ Նահանգների և Իսրայելի գործողությունները երկրին պաշտպանվելուց բացի ուրիշ այլընտրանք չի թողել։ Այս մասին հայտարարել է Իրանի նախագահ Մասուդ Փեզեշքիանը մարտի 4-ին Մերձավոր Արևելքի առաջնորդներին ուղղված իր ուղերձում։
«Հարգելի՛ բարեկամ և հարևան երկրների պետությունների ղեկավարներ, ամերիկա-սիոնիստական ռազմական ագրեսիան մեզ պաշտպանվելուց բացի ուրիշ այլընտրանք չի թողել։ Մենք հարգում ենք ձեր ինքնիշխանությունը և կարծում ենք, որ տարածաշրջանի անվտանգությունն ու կայունությունը պետք է ապահովվեն երկրների համատեղ ջանքերով»,- գրել է Իրանի նախագահն իր էջում X սոցիալական ցանցում։
News.am
