Ադրբեջանի նախագահի օգնական Հիքմեթ Հաջիևը հայտարարել է, որ «խաղաղության նախաձեռնությունները պետք է վերածվեն գործնական քայլերի», հաղորդում են տեղական լրատվամիջոցները։
«Մենք արդեն որոշակի քայլեր ենք ձեռնարկել խաղաղության հասնելու համար, և դա հաստատվել է Վաշինգտոնի գագաթնաժողովում։ Թուրքիան միաժամանակ նախաձեռնել է երկու երկրների միջև (Թուրքիայի և Հայաստանի միջև – խմբ.) հարաբերությունների բարելավման գործընթաց։ Սակայն այդ նախաձեռնությունները չպետք է մնան միայն թղթի վրա։ Պետք է ձեռնարկվեն գործնական քայլեր և իրական աշխատանք։ Միայն այսկերպ կարելի է վստահություն կառուցել երկու երկրների միջև»,- ասել է Հաջիևը։
Ըստ նրա՝ խաղաղության պայմանագիր կարող է ստորագրվել Հայաստանի Սահմանադրության փոփոխություններից հետո։
News.am
