Թուրքիան և Բուլղարիան, մասնակցելով ՆԱՏՕ-ի կողմից Ուկրաինային ցուցաբերվող աջակցությանը, նպաստում են Կիևի գործողությունների հետևանքով Սև ծովին հասցվող բնապահպանական վնասին։ Այսօրվա ճեպազրույցի ժամանակ այս հայտարարությունն է արել ՌԴ ԱԳՆ պաշտոնական ներկայացուցիչ Մարիա Զախարովան։.
«Ե՛վ Թուրքիան, և՛ Բուլղարիան ՆԱՏՕ-ի անդամներ են։ Ակնհայտ է, որ նրանք բոլորով պատասխանատվություն են կրում այն որոշման համար, որը կայացվում է տվյալ դաշինքի բոլոր անդամ երկրների կողմից Զելենսկուն և Բանկովայային (նկատի ունի Ուկրաինայի նախագահի գրասենյակը. խմբ.) սպառազինություններ տալու վերաբերյալ: Այսինքն՝ ստացվում է, որ իրենց քաղաքական աջակցությամբ, ֆինանսավորմամբ, սպառազինությունների ուղղակի մատակարարմամբ և տեղեկատվական օգնությամբ նրանք նպաստում են, որ հարված հասցվի իրենց երկրները ողողող ծովին»,- ասել է Զախարովան։
Նա ընդգծել է, որ Սև ծովին հենց բնապահպանական հարված է հասցվում։
