Ռուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Մարկո Ռուբիոն հեռախոսազրույցի ընթացքում քննարկել են միջազգային օրակարգն ու երկկողմ հարաբերությունները։ Ինչպես հայտնում է Ռուսաստանի արտաքին գործերի նախարարությունը, զրույցը կայացել է այսօր:
«Արտաքին քաղաքական գերատեսչությունների ղեկավարները ճշգրտել են միջազգային հարցերի շուրջ միմյանց դիրքորոշումները, քննարկել են ռուս-ամերիկյան հարաբերություններում առկա իրավիճակը և երկկողմ շփումների ժամանակացույցը», – ասված է հաղորդագրության մեջ:
Գերատեսչությունն ընդգծել է, որ զրույցը կառուցողական և գործնական բնույթ է կրել:
Sputnik Արմենիա
