«Զանգեզուրի միջանցքի» հռչակումը նշանակում է ադրբեջանական կողմի հիմնական պահանջների հիմնարար ճանաչում»։ Այս մասին հայտարարել է Թուրքիայի արտաքին գործերի նախարար Հաքան Ֆիդանը, ինչպես հաղորդում են թուրքական լրատվամիջոցները։ Նրա խոսքով՝ Հայաստանի և Ադրբեջանի միջև կնքված համաձայնագրերը «տարածաշրջանում խաղաղության հիանալի պատկեր» են ստեղծում։
«Իրադարձությունների առաջին օրվանից, այն պահից, երբ ամերիկացիները ժամանեցին և սկսեցին խոսել մեր ադրբեջանցի եղբայրների հետ, այս հարցը լուծվում էր մեզ հետ համաձայնեցված», – ընդգծեց թուրք նախարարը։
Ֆիդանը նշեց, որ «Զանգեզուրի միջանցքի հռչակումից հետո կոնկրետ ձևաչափը դեռևս որոշված չէ. սա ընդունվում է որպես հայեցակարգ, որը կողմերը կքննարկեն միմյանց միջև բանակցությունների ընթացքում»։
News.am
