Կյանքից հեռացել է ՀՀ զինված ուժերի խաղաղապահ բրիգադի նախկին հրամանատար, գեներալ-մայոր Արթուր Սիմոնյանը։
«Արմենպրես»-ի փոխանցմամբ՝ Արթուր Սիմոնյանի հոգեհանգիստը տեղի կունենա սեպտեմբերի 6-ին, ժամը 18։00-ին, Նոր Նորք վարչական շրջանի եկեղեցում։
Գեներալ-մայոր Արթուր Սիմոնյանն ակտիվ մասնակցություն է ունեցել Ղարաբաղյան առաջին պատերազմին, պարգևատրվել բազմաթիվ մեդալներով, այդ թվում՝ ՀՀ, ՌԴ և ՆԱՏՕ-ի 32 գերատեսչական մեդալներով։
Արթուր Սիմոնյանը մինչև 2017 թվականի հոկտեմբեր եղել է ՀՀ զինված ուժերի խաղաղապահ բրիգադի հրամանատարը։
