Մոսկվան պատասխան միջոցներ կձեռնարկի ռուսներին Շենգենյան վիզայից զրկելու դեպքում

Մոսկվան պատասխան միջոցներ կձեռնարկի, եթե ռուսաստանցիներին զրկեն շենգենյան վիզա ստանալու հնարավորությունից, սակայն նրանք հույս ունեն, որ դրան չի հասնի, հաղորդում է «Ինտերֆաքս»-ը։

Ռուսներին շենգենյան վիզա ստանալու հնարավորությունից զրկելու մասին լրագրողների համապատասխան հարցին ի պատասխան՝ ՌԴ նախագահի մամուլի քարտուղար Դմիտրի Պեսկովն ասել է. «Այդպիսի զգացմունքային բնույթի որոշ գործողություններ, որոնք չեն տեղավորվի առողջ դատողության ըմբռնման մեջ, բացառել չենք կարող: Այդ առումով իսկապես անհնար է բացառել այդ վտանգը, դա շատ վատ կլիներ և, բնականաբար, Մոսկվայի կողմից պատասխան տարբերակների կհանգեցներ:

Նրա խոսքով՝ «ԵՄ երկրները՝ Հյուսիսային Ամերիկան, բառացիորեն մրցում են Ռուսաստանի դեմ հակառուսական ու ոչ բարեկամական տարբեր միջոցներ ձեռնարկելու հարցում»։

«Մենք տեսնում ենք, որ որոշ միջոցների նրանց զինանոցը սպառվում է, որոնք, ինչպես իրենց թվում է, կարող են ճնշում գործադրել մեզ վրա և ստիպել փոխել մեր դիրքորոշումը, և գնալով ավելի իռացիոնալ, անհիմն, դժվար բացատրելի որոշումներ են կայացվում»,- նշել է Կրեմլի ներկայացուցիչը:

News.am