2024-03-06 15:46
Информагентства
Պեսկով․ Երևանի «Զվարթնոց» օդանավակայանից ՌԴ սահմանապահներին դուրս բերելու որոշում չի եղել
Հայաստանի կողմից «Զվարթնոց» օդանավակայանից ռուս սահմանապահներին դուրս բերելու որոշում չի կայացվել, Ռուսաստանին դրա մասին չեն հայտնել։ Տեղեկությունը հայտնել է ՌԴ նախագահի մամուլի քարտուղար Դմիտրի Պեսկովը Սոչիում ընթացող Երիտասարդության համաշխարհային փառատոնի ժամանակ։
«Ինչ-որ որոշումներ այս առումով, որքանով հասկանում ենք, չեն եղել։ Պաշտոնական խողովակներով ոչ ոք մեզ այդ որոշումները չի հասցրել», - ասել է Պեսկովը։
Անդրադառնալով հայ-ռուսական հարաբերություններին՝ նա նշել է, որ Մոսկվան քաղաքական կամք ունի դրանք հետագայում կառուցելու համար, իսկ ներկայիս դժվարությունները կանցնեն:
Ռուսաստանը բարձր է գնահատում Հայաստանի հետ հարաբերությունների առանձնահատուկ բնույթը։
«Երկրների, ինչպես նաև մարդկանց հարաբերություններում բարդ ժամանակաշրջաններ են լինում։ Ամենամոտ հարևանները կարող են ունենալ լարված հարաբերություններ: Բայց այստեղ քաղաքական կամք է պահանջվում` մեր կողմից այն կա, երկու երկրների առաջնորդների կառուցողականությունը և հեռատեսությունը։ Մեր կողմից դա էլ կա»,-ասել է մամուլի խոսնակը։
Պեսկովը նշել է, որ Հայաստանը շահում է ԵԱՏՄ-ին անդամակցելուց։ Ռուսաստանում հույս ունեն, որ Երևանը դա հաշվի կառնի արտաքին քաղաքականություն կառուցելիս։
Ավելի վաղ ԱԺ նախագահ Ալեն Սիմոնյանը հայտարարել էր, որ ռուս սահմանապահները պետք է դադարեցնեն ծառայություն իրականացնել Երևանի «Զվարթնոց» օդանավակայանում: Ավելի ուշ իշխող կուսակցությունը հաստատել է, որ օդանավակայանում ռուս սահմանապահների ներկայության հարցը քննարկվում է։
Sputnik Արմենիա
ПОСЛЕДНИЕ ОТ АВТОРА
-
New2025-06-26 07:10Суд удовлетворил ходатайство об аресте депутата Национального собрания Республики Арцах Давида Галстяна. Он арестован на два месяца.
-
New2025-06-26 07:05Турецкий сайт OdaTV написал, что супруга премьер-министра Армении провела свой отпуск с 19 по 22 июня в самом роскошном отеле Titanic Mardan Palace в Анталье.
-
New2025-06-26 07:02Суд общей юрисдикции в Ереване решил арестовать лидера движения "Священная борьба", архиепископа Баграта Галстаняна сроком на 2 месяца. Решение озвучил адвокат Ованнес Худоян.
-
New2025-06-26 06:57Суд удовлетворил ходатайство об аресте полковника запаса Миграна Махсудяна.