2022թ. մի խումբ «չկռվող» արցախցիներ հայտնի առողջարանային քաղաքում.Ղարամյանը արձագանքում է Սիմոնյանին

Արցախի անվտանգության խորհրդի նախկին քարտուղար, Արցախի հերոս Արշավիր Ղարամյանը՝ անդրադառնալով ԱԺ նախագահ Ալեն Սիմոնյանի աղմկահարույց հայտարարությանը լուսանկար է հրապարակել իր ֆեյսբուքյան էջում և գրառում կատարել:

«2022 թվականի սեպտեմբեր ամսվա երկրորդ տասնօրյակ, մի խումբ «չկռվող» արցախցիներ հայտնի առողջարանային քաղաքում...

Հ.Գ. Տղաների մի մասը հերոսաբար զոհվել են 2023 թվականի սեպտեմբերի 19-ին անհավասար մարտում , թշնամուն պաճառելով զինտեխնիկայի և մարդկային մեծաքանակ կորուստներ:

1000 փառք Ձեզ՝ մեր հերոս նահատակներ...»,- գրել է նա:

Հիշեցնենք, որ Ալեն Սիմոնյանը ԱԺ-ում արցախցի լրագրողի հարցին, թե երբ կկարողանա վերադառնալ իր հայրենիք, Արցախ, պատասխանել էր. «Անվտանգ կլինի, երբ խաղաղության պայմանագիր կկնքենք: Դուք դուրս եկաք այնտեղից, որովհետև անվտանգ չէր, չնայած կարելի էր մնալ ու պայքարել մինչև վերջ այն զենքերով, որը ՀՀ-ն թողել էր: Պետք էր կռվել, Հայաստանը կռվել է, բերեցիք հաճո իշխանություն, ով օրեր անց ստորագրեց այդ պետության վերացման մասին»։

News.am