2025-03-03 09:53
Информагентства
ԵՐԵՎԱՆՈՒՄ ԲԱՑՎԵԼ Է ԱՐՑԱԽԻ ԵՐԵԽԱՆԵՐԻ ՎԵՐԱԿԱՆԳՆՈՂԱԿԱՆ ԿԵՆՏՐՈՆԸ
Երևանում տեղի ունեցավ Արցախից հարկադիր տեղահանված հաշմանդամ երեխաների վերականգնողական կենտրոնի բացումը։ Կենտրոնը, որը նախատեսված էր ստեղծել Արցախում, այժմ իրականություն դարձավ Հայաստանի մայրաքաղաքում։
«Հուզմունքով, բայց նաև մեծ հպարտությամբ եմ հիշում վերականգնողական կենտրոնի հետ կապված ողջ ուղին։ Այն պետք է բացվեր Ամարասի վանքի մոտ, որը խիստ խորհրդանշական էր։ Սակայն, երբ մենք պետք է սկսեինք աշխատանքները, տեղի ունեցավ Արցախի շրջափակումը, հետո եղավ մի բան, որը պարզապես չպետք է լիներ»,- ասել է VitalRehub կենտրոնի ներկայացուցիչ Թուխմանուկ Մկրտչյանը՝ սկսելով վերականգնողական կենտրոնի բացման արարողությունը։
Կենտրոնը, որը նախատեսված էր դեռևս ողբերգական իրադարձություններից առաջ, պետք է դառնար Արցախի վերականգնման կարևոր խորհրդանիշ՝ Ամարասի հնագույն վանքից ոչ հեռու։ Սակայն շրջափակումից և իրենց տներից տասնյակ հազարավոր մարդկանց բռնի հեռացումից հետո նախագիծը ստիպված էր նոր տուն փնտրել, և Հայաստանն ու նրա մայրաքաղաք Երևանը դարձան այդ տունը:
Այն կդառնա վերականգնողական, ադապտացիոն և հոգեբանական աջակցության վայր Արցախից բռնի տեղահանված երեխաների համար։ Կազմակերպիչների վկայությամբ, նախագիծը կենսական նշանակություն ունի. երկարատև սթրեսը, տան կորուստը և ապագայի անորոշությունն անդրադարձել է երեխաների վիճակի վրա, և այժմ նրանք ոչ միայն բժշկական օգնություն կստանան, այլև հնարավորություն կունենան վերադառնալ լիարժեք կյանքի։
«Այս փոքրիկ կենտրոնը մեր ներդրումն է։ Թող այն դառնա մի վայր, որտեղից երեխաները դուրս կգան ուրախ ու ուժեղ»,- ընդգծեց Արցախի թեմի առաջնորդ Վրթանես եպիսկոպոս Աբրահամյանը։
Նա հավելեց, որ այս նախագիծը ոչ միայն պետք է պարզապես աշխատի, այլև զարգանա, որպեսզի Արցախի ժողովուրդը կարողանա լիարժեք ինտեգրվել Հայաստանում՝ իրենց սրտում պահելով վերադարձի հույսը։
Կենտրոնը կառուցվել է «SOS Արևելքի քրիստոնյաներ» կազմակերպության աջակցությամբ, որի գործադիր տնօրեն Բենջամին Բլանշը նույնպես ներկա էր արարողությանը։
Նա նշեց, որ կազմակերպությունը երկար տարիներ աշխատել է Արցախում նախագծերի վրա, սակայն 2023 թվականի ներխուժումը ստիպել է իրենց օգնության նոր ուղիներ փնտրել։
«Այս կենտրոնը պարզապես շենք չէ, սա վայր է, որտեղ Արցախը շարունակում է ապրել»,- ասաց նա՝ ընդգծելով, որ իր կազմակերպությունն աջակցում է նաև տեղահանվածների համար այլ նախաձեռնությունների, այդ թվում՝ Երևանում Արցախի մշակույթի կենտրոնին։
Իր աջակցությունը հայտնեց նաև Արցախի առողջապահության նախկին նախարար Վարդան Թադևոսյանը, որը 25 տարիների ընթացքում զբաղվել է Արցախում վերականգնողական աշխատանքներով։ Նա նշեց, որ նույնիսկ փոքր նախաձեռնությունները կարող են հանգեցնել մեծ փոփոխությունների։
«Երբ 27 տարի առաջ Արցախում ստեղծվեց առաջին վերականգնողական կենտրոնը, այն դարձավ մի վայր, որտեղ ամեն տարի երկու հազար երեխա, մեծահասակ և զինվորական վերականգնվում էին և վերադառնում բնականոն կյանքի։ Վստահ եմ, որ այդ հաջողությունն այստեղ ևս կկրկնվի»,- ասաց Թադևոսյանը։
Արարողության ավարտին Վազգեն եպիսկոպոս Միրզախանյանը օրհնեց նախաձեռնությունը՝ ընդգծելով, որ այն պետք է դառնա ոչ միայն օգնության վայր, այլ արցախցիների հույսի, հավատի ու ուժի խորհրդանիշը։
News.am
ПОСЛЕДНИЕ ОТ АВТОРА
-
New2025-03-14 16:58Ситуация политзаключенных из Нагорного Карабаха в Азербайджане очень тревожная, заявил Alpha News председатель делегации в Парламентской ассамблее Евронест, депутат Европарламента от Германии Сергей Лагодинский.
-
New2025-03-14 16:56Вопросы, связанные с подготовкой контактов высокого уровня, обсудили в пятницу замглавы МИД России Михаил Галузин и посол Армении Гурген Арсенян. Об этом сообщает российское внешнеполитическое ведомство.
-
New2025-03-14 16:52Родственники пропавших без вести проводят акцию протеста перед зданием правительства Армении, требуя от властей не отзывать иски из международных судов.
-
New2025-03-14 16:50Трамп, в отличие от Израиля, не хочет войны с Ираном, а это имеет важное значение в вопросе коридора через Сюник. Об этом в беседе с корреспондентом Новости Армении – NEWS.am заявил политолог Ален Гевондян.