ԱՄՆ Սենատը նվազագույն տարբերությամբ մերժել է այն բանաձևը, որը սահմանափակում է Դոնալդ Թրամփի լիազորությունները Իրանի դեմ պատերազմ վարելու հարցում՝ անցկացնելով հակամարտության վերաբերյալ առաջին քվեարկությունը 60-օրյա ժամկետի լրանալուց հետո, որի ընթացքում Սպիտակ տունը պետք է ստանար Կոնգրեսի պաշտոնական թույլտվությունը:
Օրեգոնից սենատոր Ջեֆ Մերքլիի ներկայացրած նախաձեռնությունը դարձավ դեմոկրատների արդեն յոթերորդ անհաջող փորձը՝ սահմանափակելու Թրամփի ռազմական լիազորությունները փետրվարի վերջին հակամարտության սկսվելուց ի վեր: Քվեարկության արդյունքը կազմել է 50 «դեմ» և 49 «կողմ»:
Դեմոկրատները պնդում են, որ Ըստ Ռազմական լիազորությունների մասին օրենքի՝ վարչակազմը պետք է մինչև մայիսի 1-ը ստանար Կոնգրեսի հավանությունը ռազմական գործողությունները շարունակելու համար այն բանից հետո, երբ Թրամփը մարտի սկզբին օրենսդիրներին տեղեկացրեց Իրանին հարվածներ հասցնելու մասին:
Դեմոկրատների համոզմամբ՝ նախագահն այժմ գործում է օրենքի բացահայտ խախտմամբ: Սպիտակ տունը մերժում է այս մեկնաբանությունը՝ հայտարարելով, որ ժամանակի հաշվարկը կասեցվել է ավելի քան մեկ ամիս առաջ զինադադարի հայտարարումից հետո:
News.am
