«Սա կմնա մեր հիշողության մեջ». Իրանի դեսպանը` Ալիևի և Էրդողանի Թեհրան չգնալու մասին

Յուրաքանչյուր երկիր ինքն էր որոշում, թե ինչ մակարդակով մասնակցել Իրանի Գերագույն առաջնորդ Ալի Խամենեիի հրաժեշտի արարողությանը։ Այս մասին հուլիսի 8-ին մամուլի ասուլիսում հայտարարել է Հայաստանում Իրանի արտակարգ և լիազոր դեսպան Խալիլ Շիրղոլամին՝ պատասխանելով NEWS.am-ի թղթակցի հարցին։

«Ես, որպես Իրանի քաղաքացի, կարող եմ ասել, որ մենք ակնկալում էինք Ալիևի և Էրդողանի անձնական մասնակցությունն այս միջոցառմանը։ Թուրքիան և Ադրբեջանը ուղարկել են իրենց պատվիրակությունները, այնուամենայնիվ այս փաստը կարձանագրվի պատմական հիշողության մեջ»,- նշել է դիվանագետը՝ կրկնելով, որ սա այդ երկրների ներքաղաքական որոշումն է։

Շիրղոլամին պարզաբանել է, որ Թուրքիայում հայտարարել են, թե այս իրադարձությունը տեղի է ունեցել Անկարայում ՆԱՏՕ-ի գագաթնաժողովի անցկացման ամսաթվին շատ մոտ, և այդ երկրի նախագահը զբաղված էր դրան նախապատրաստվելով, ուստի չի կարողացել մասնակցել Խամենեիի հրաժեշտի արարողությանը։

News.am