2020-11-18 09:36
Информагентства
ԱՄՆ-ը 5 միլիոն դոլար կհատկացնի Լեռնային Ղարաբաղի հակամարտությունից տուժածներին օգնելու համար
ԱՄՆ-ը ողջունում է Հայաստանի և Ադրբեջանի միջև ակտիվ ռազմական գործողությունների դադարեցումը: Այս մասին ասվում է ԱՄՆ պետքարտուղար Մայք Պոմպեոյի հայտարարության մեջ:
«Ռազմական գործողությունների սկզբից Միացյալ Նահանգները կոչ է արել դադարեցնել բռնությունները և դատապարտել է ռազմական էսկալացիան, որը հանգեցրել է զգալի զոհերի, այդ թվում՝ խաղաղ բնակչության շրջանում: Մենք կրկին ցավակցություն ենք հայտնում զոհվածների և վիրավորների ընտանիքներին և կոչ ենք անում բոլոր կողմերին պահպանել միջազգային իրավունքով իրենց պարտավորությունները, այդ թվում`միջազգային մարդասիրական իրավունքով։
Ռազմական գործողությունների դադարեցումը միայն առաջին քայլն է դեպի Լեռնային Ղարաբաղի հակամարտության խաղաղ բանակցային կարգավորում: Մենք կողմերին կոչ ենք անում հնարավորինս արագ վերսկսել համագործակցությունը ԵԱՀԿ Մինսկի խմբի համանախագահների հետ` գտնելու Լեռնային Ղարաբաղի հակամարտության տևական և կայուն քաղաքական լուծում` հիմնված Հելսինկիի եզրափակիչ ակտի `ուժի չկիրառման կամ դրա օգտագործման սպառնալիքի, տարածքային ամբողջականության, ինչպես նաև ինքնորոշման և ժողովուրդների հավասար իրավունքների վրա:
Որպես ԵԱՀԿ Մինսկի խմբի համանախագահ՝ Միացյալ Նահանգները շարունակում է լիովին ներգրավվել այդ ջանքերում:
Մեր դիվանագիտական ներգրավմանը զուգահեռ՝ Միացյալ Նահանգները 5 միլիոն ԱՄՆ դոլարի մարդասիրական օգնություն է տրամադրում՝ վերջին մարտերից տուժած մարդկանց օգնելու նպատակով Կարմիր խաչի միջազգային կոմիտեի և այլ միջազգային կազմակերպությունների և հասարակական կազմակերպությունների գործողություններին աջակցելու համար: Այս ֆինանսավորման շնորհիվ 2019 ֆինանսական տարվանից Հայաստանին և Ադրբեջանին ԱՄՆ մարդասիրական օգնության ընդհանուր գումարը գերազանցել է 10 մլն դոլարը, այդ թվում` գրեթե 3,9 մլն դոլարը՝ COVID-19 համավարակի դեմ պայքարի, խոցելի միգրանտներին, տեղահանված անձանց և նրանց ընդունող համայնքներին օգնելու համար:
Պետական դեպարտամենտի և ԱՄՆ Միջազգային զարգացման գործակալության կողմից տրամադրված նոր օգնությունը կօժանդակի հակամարտությունից տուժած մարդկանց սնունդը, առողջությունը, կացարանները և այլ արտակարգ օգնությունը ապահովելու տեղական ջանքերին: ԱՄՆ կառավարության մարդասիրական փորձագետները շարունակում են գնահատել այս ճգնաժամի ազդեցությունը: Մենք ընդունում ենք միջազգային գործընկերության մեջ մեր գործընկերների ներդրումը և կոչ ենք անում այլ կառավարություններին միանալ այս ջանքերին»։
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.