2020-11-19 13:28
Информагентства
Անդրանիկ ԹԵՎԱՆՅԱՆ. ԶԻՆՎՈՐԱԿԱՆՆԵՐԻ ՇՈՐԵՐՈՎ ՓԱՇԻՆՅԱՆԻ ԲԵՄԱԴՐԱԾ ԿԱՊԻՏՈՒԼՅԱՑԻՈՆ ՀԱՆՐԱՀԱՎԱՔԸ ՈՉՆՉԱՑՆՈՒՄ Է ՄԵՐ ԲԱՆԱԿԻ, ԱՅՆ Է՝ ՄԵՐ ՊԵՏՈՒԹՅԱՆ ԼԵԳԻՏԻՄՈՒԹՅԱՆ ՎԵՐՋԻՆ ՓՇՐԱՆՔՆԵՐԸ
Երբ զինվորական հագուստ հագցրած մարդկանց տանում ես հանրահավաքի ու նրանց բերանը դնում «Մենք շնորհակալ ենք Նիկոլ Փաշինյանից, որ նա մեր կյանքը փրկեց» նախադասությունը, այդ պահից սկսած մեռնում է պետությունը։ Այս մասին ֆեյսբուքյան իր էջում գրել է «Պոլիտէկոնոմիա» հետազոտական ինստիտուտի ղեկավար Անդրանիկ Թևանյանը։ Թևանյանի գրառումը՝ ստորև․
«Նիկոլ Փաշինյանի հերթական կապիտուլյացիոն ակտը
Ինչ աստիճանի պետք է եսակենտրոն լինես, ինչ աստիճանի ատես ղեկավարածդ պետությունը և ինչ աստիճանի մտածես կաշվիդ, աթոռիդ մասին, որ Հանրապետության հրապարակում կապիտուլյացիան փառաբանող խաժամուժ հավաքես։
Աշխարհի ո՞ր երկրում է հանրահավաք (թեկուզև մի քանի հարյուր հոգանոց) եղել՝ ի պաշտպանություն կապիտուլյացիայի ու պետությունը փլուզման տանող ղեկավարի։
Երբ զինվորական հագուստ հագցրած մարդկանց տանում ես հանրահավաքի ու նրանց բերանը դնում «Մենք շնորհակալ ենք Նիկոլ Փաշինյանից, որ նա մեր կյանքը փրկեց» նախադասությունը, այդ պահից սկսած մեռնում է պետությունը։ Ո՞նց կարող է զինվորականի հագուստով մարդը կապիտուլյացիան գովերգի և վախենա մահից։ Նույնիսկ եթե վախենում է, միևնույն է դա չպետք է քարոզվի, քանզի զինվորականը երդվում է կյանքը տալ հանուն Հայրենիքի։
Լավ է, իհարկե, որ զինադադար է եղել (պատերազմը, պարտությունը Նիկոլի խղճի ու քաղաքական պատասխանատվության վրա է), բայց վատ է, որ պարտության փառաբանում է կազմակերպվում։
Շատերը դեռ չեն զգում, բայց մենք տանուլ ենք տվել ոչ թե Արցախի տարածքները, այլ կորցրել ենք հայկական երկրորդ պետությունը և գրեթե մահացու հարված ենք ստացել ամբողջ Հայաստանի մասով։
Մեր բանակը մինչև 2020թ․ սեպտեմբերի 27–ը ամենալեգիտիմ պետական կառույցն էր։ Պետական ինստիտուտներից հիմնականը, որի հանդեպ գրեթե կասկած չկար։ Հիմա այդ ինստիտուտը փլուզվել է և, ըստ այդմ, մեր պետության լեգիտիմության հիմքն է լրջագույն հարված ստացել։
Զինվորականների շորերով Փաշինյանի բեմադրած կապիտուլյացիոն հանրահավաքը ոչնչացնում է մեր բանակի, այն է՝ մեր պետության լեգիտիմության վերջին փշրանքները։ Նման ստորագույն արարք միայն նրա մտքով կարող էր անցնել»։
ПОСЛЕДНИЕ ОТ АВТОРА
-
New2025-06-02 09:03Беспрецедентное сближение армянского правительства с позицией Турции и Азербайджана может быть частью стратегической игры, разработанной в Анкаре с участием Баку. Такую точку зрения в эфире программы Sputnik Армения "Абовян time" выразил политолог Ара Погосян.
-
New2025-06-02 07:02Сейсмологическая сеть территориальной службы сейсмической защиты МВД Армении 2 июня, в 00:12 по местному времени (1 июня, в 20:12 по Гринвичу) зафиксировала землетрясение магнитудой 3,0 в 10 км к юго-востоку от города Спитак Лорийской области Армении.
-
New2025-06-02 07:00Глава МИД России Сергей Лавров провел телефонный разговор с госсекретарем США Марко Рубио, сообщает РИА Новости со ссылкой на МИД РФ.
-
New2025-06-02 06:56Издание Axios, написавшее материал о беспрецедентной атаке ВС Украины на на десятки стратегических бомбардировщиков на нескольких базах на территории России, позже отредактировало свою публикацию.