Արա ԶՈՀՐԱԲՅԱՆ․ ՆԻԿՈԼ ՓԱՇԻՆՅԱՆԸ ՊԵՏՔ Է ՀԵՌԱՆԱ ԵՎ ՀԵՌԱՆԱԼՈՒ Է

Նախկինների նկատմամբ ժողովրդի դժգոհության հիման վրա իշխանության եկած Նիկոլ Փաշինյանն ու իր թիմը հերթով թիրախավորեցին ազգային կարևորագույն ինստիտուտներին և դիմադրության հնարավոր օջախներին, այդ թվում՝ Հայաստանյայց Առաքելական Սուրբ Եկեղեցուն, Ընտանիք ինստիտուտին, բանակին, կրթությանը, փաստաբանությանը, լրագրությանը: Այս մասին ֆեյսբուքյան իր էջում գրել է ՓՊ նախագահ Արա Զոհրաբյանը։

«Վարչապետը պետք է հեռանա

Նախկինների նկատմամբ ժողովրդի դժգոհության հիման վրա իշխանության եկած Նիկոլ Փաշինյանն ու իր թիմը հերթով թիրախավորեցին ազգային կարևորագույն ինստիտուտներին և դիմադրության հնարավոր օջախներին, այդ թվում՝ Հայաստանյայց Առաքելական Սուրբ Եկեղեցուն, Ընտանիք ինստիտուտին, բանակին, կրթությանը, փաստաբանությանը, լրագրությանը:

Ի թիվս նշվածների, Նիկոլ Փաշինյանը պատասխանատու է՝

1) Զինված ուժերի ռազմատեխնիկական ապահովումը պատշաճ չկազմակերպելու հարցում.

2) Իրանի և Վրաստանի հետ հարաբերությունները վատթարացնելու հարցում.

3) Ռուսաստանի Դաշնության հետ պատշաճ համագործակցությունը չապահովելու հարցում.

4) Բանակցությունները փակուղի տանելու հարցում.

5) Պատերազմի ընթացքում զորահավաքը պատշաճ չկազմակերպելու հարցում.

6) Պատերազմի ընթացքում ժողովրդին իրականությունից կտրելու հարցում.

7) Պատերազմի ընթացքում մարտերը (փոխօգնությունը) պատշաճ չկազմակերպելու հարցում.

8) Պատերազմը սկզբից և հետագա 44 օրերի ընթացքում ավելի վաղ չդադարեցնելու հարցում.

9) Փաստաթուղթը գաղտնիության պայմաններում ստորագրելու հարցում:

Երբ պատերազմող երկրի ժողովուրդը ղեկավար է ընտրում բանակում չծառայած սուբյեկտի, և, երբ նախկինների նկատմամբ վախն ավելի մեծ է, քան ցեղասպանվելու նկատմամբ վախը, արդյունքը սա է լինում:

Արցախի ժողովուրդը Վիտալի Բալասանյանի փոխարեն ընտրեց Արայիկ Հարությունյանին: Արդյունքը եղավ սա:

Մենք բոլորս մեղավոր ենք այս վիճակի համար:

Բայց մի բան փաստ է: Պարտված իշխանությունը պետք է հեռանա:

Նիկոլ Փաշինյանը պետք է հեռանա և հեռանալու է:

Հ.Գ. Թուրքիայից վտանգը միշտ եղել է և կլինի: Չպետք է թուլացնենք մեր զգոնությունը: Պետք է օր առաջ սկսենք պատրաստվելը:

Հայաստանի Հանրապետության քաղաքացի Արա Զոհրաբյան»,- գրել է նա։

News.am