Последние новости
2020-11-21 20:18

ՍԱՀՄԱՆԱՊԱՀ ԳՅՈՒՂԵՐԻ ՓՈՂՈՑՆԵՐԸ ՇԱՐՈՒՆԱԿՈՒՄ ԵՆ ԼՈՒՍԱՎՈՐՎԵԼ

0
Telegram

Թեև ընթացիկ տարում բավականին լուրջ մարտահրավերներ են եղել, սակայն Հայաստանի մարզերում ենթակառուցվածքների զարգացման ծրագիր իրականացնող կազմակերպությունները՝ Վիվա-ՄՏՍ-ն ու Վայրի բնության ու մշակութային արժեքների պահպանման հիմնադրամը (FPWC), հետևողականորեն շարունակել են ենթակառուցվածքների զարգացման աշխատանքները: Գործընկերներն ստիպված են եղել փոխել աշխատանքի մեթոդներն ու կայացնել իրավիճակից բխող որոշումներ՝ հուլիսյան դեպքերի, համավարակի, ապա նաև սեպտեմբերին սկսված պատերազմի պատճառով: Աջակցության թիրախն ու նպատակը, սակայն, պահպանվել են: Ավելին, ծրագրում ներառվել են սահմանապահ այնպիսի գյուղեր, որոնք բավականին մեծ վնաս են կրել հուլիսյան պատերազմի հետևանքով:

Պետական սահմանից 1,5 կմ հեռավորությամբ գտնվող Այգեպարն աշնանն է ընդգրկվել ենթակառուցվածքների զարգացման ծրագրում: Լուսադիոդային LED համակարգով փողոցները լուսավորելը կարևոր է տարրական պայմանների ապահովման և բնակիչների անվտանգության ապահովման համար: Ընթացքում են հենասյուների տեղադրման աշխատանքները: Ամեն ինչ արվում է՝ մինչև տարեվերջ գյուղն ամբողջությամբ լուսավորելու համար: Նախատեսված է տեղադրել 25 լուսարձակ և լուսավորել շուրջ 900 մ ճանապարհահատված:

«Թշնամու դիրքերից ընդամենը մի քանի հարյուր մետր հեռավորության վրա հենասյուների տեղադրման աշխատանքներ են իրականացվում: Դա հեշտ չէ, քանի որ ցանկացած պահի կարող են կրակոցներ լինել: Մենք երեք ամիս առաջ լուրջ վնասներ ենք ունեցել գյուղում: Սակայն, եթե նայենք այդ իրավիճակին, պետք է ոչինչ չանենք: Քանի որ ապրում ենք այս գյուղում, պետք է գործենք. կյանքը շարունակվում է, գյուղից ոչ ոք չի հեռացել: Մենք պետք է կարողանանք ամուր կպնել մեր հողին, ավելի շատանանք և ուժեղանանք, որպեսզի կարողանանք դիմակայել այս արհավիրքին»,-ասել է Այգեպարի վարչական ղեկավարի պաշտոնակատար Արկադի Յամուկյանը:

Տավուշի մարզի սահմանամերձ մեկ այլ՝ Վազաշեն գյուղում ևս փողոցային լույսերի էներգախնայող համակարգ է կառուցվել: Այստեղ էկոնոմ, բայց հիմնականում շատ հին լամպերով լուսավորված է եղել միայն գյուղի կենտրոնական փողոցը: Այժմ, տեղակայված ամենաէներգախնայող LED-երը գյուղի մուտքից հասցրել են մինչև կենտրոն: Ծրագրի վերջին փուլով, տեղադրվել է 40 լուսարձակ, լուսավորվել շուրջ 1500 մ ճանապարհ:

«Տարին շատ բարդ խնդիրներ ստեղծեց բոլորիս համար։ Ստիպված եղանք սահմանափակվել հեռավար շփումներով, հաղթահարել բոլորիս նետված լուրջ մարտահրավերն ու խնդիրները։ Սակայն, կար դրված նպատակ և մեր գործընկերների հետ, ավելի վճռական դարձանք` սահմանին ապրող մեր հայրենակիցներին օգտակար լինելու համար։ Լավ, հետևողական աշխատանքն ու անպայման հաջողելու անհրաժեշտությունը պետք է դառնան ապրելակերպ։ Դա են պահանջում ժամանակը, մեր առջև ծառացած խնդիրներն ու ապագան»,֊ - ասել է Վիվա֊-ՄՏՍ-֊ի գլխավոր տնօրեն Ռալֆ Յիրիկյանը։

Մարզերում ենթակառուցվածքների զարգացմանն ուղղված, ներառյալ՝ LED լուսարձակների տեղակայման աշխատանքներն իրականացվում են գործընկերների կողմից նախապես հաստատված ծրագրի շրջանակներում։

«Շատ բարդ էր պատերազմական իրավիճակում ծրագիր իրականացնելը: Սեպտեմբերին սկսված պատերազմի առաջին մի քանի օրը չենք աշխատել. չէինք պատկերացնում՝ կարո՞ղ ենք շարունակել, թե՞ ոչ: Տրամադրվելն էր շատ բարդ: Կար նաև աշխատուժի որոշակի խնդիր՝ շինարարական կազմակերպությունների մոտ: Հիմնական մասնագետների մի մասը կամավորագրվել և մեկնել էր ռազմաճակատ: Գյուղերից լրացուցիչ աշխատուժի ներգրավմամբ՝ իրականացրել ենք աշխատանքը: Եթե փորձեմ գնահատել՝ ծրագիրը բավականաչափ արագ է իրականացվել»,-ասել է ծրագրի համակարգող Մարտին Մարալչյանը:

Վազաշենում աշխատանքներն արդեն ավարտվել են: Համակարգը շահագործվել է: Վիվա-ՄՏՍ-ն ու Վայրի բնության ու մշակութային արժեքների պահպանման հիմնադրամը (FPWC), տարբեր համայնքներում հետևողականորեն շարունակում են ծրագիրը: Աշխատանքներն ընթացքի մեջ են:

Վիվա-ՄՏՍ-ը (ՄՏՍ Հայաստան ՓԲԸ) Հայաստանի հեռահաղորդակցության առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ն իր գործունեության մեջ առաջնորդվում է ISO 26000 (Սոցիալական պատասխանատվության միջազգային ստանդարտ) և ISO/IEC 27001:2013 (Տեղեկատվական անվտանգության կառավարման համակարգ) ստանդարտներով: Հավելյալ տեղեկություններ ստանալու համար այցելեք www.mts.am:

«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է ավելի քան 86.8 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com:

Галерея (8 фото)

Основная тема:
Վիվա-ՄՏՍ

Теги:
Վիվա-ՄՏՍ

ПОСЛЕДНИЕ ОТ АВТОРА

  • ДЖАЗ-ОРКЕСТР «АРЦАХ» ВЫСТУПИЛ НА МОСКОВСКОМ ДЖАЗОВОМ ФЕСТИВАЛЕ
    2025-06-16 13:58

    Летняя событийная афиша Москвы порадовала жителей и гостей столицы насыщенной программой: в течение недели ведущие джазовые коллективы России и зарубежья выступали на лучших открытых площадках города. Организатор фестиваля — Фонд Игоря Бутмана при поддержке Президентского фонда культурных инициатив и Департамента культуры города Москвы.

  • Артур ХАЧИКЯН: «АКЦЕНТ НА ГРУБОЙ СИЛЕ И АГРЕССИИ ПРОТИВ СУВЕРЕННОГО ГОСУДАРСТВА»
    2025-06-16 11:21

    «Согласно полученным сообщениям, военно-морские и военно-воздушные силы США и Великобритании приближаются к Ирану и готовятся вступить в войну, - пишет на своей странице в Фейсбук доктор политологии Артур Хачикян.

  • ГЕНРИХ ДАНИЕЛЯН: ЖАЛКАЯ ПОПЫТКА ОБВИНИТЬ АРМЕНИЮ В ТОМ, В ЧЁМ АЗЕРБАЙДЖАН САМ СИСТЕМНО УЧАСТВУЕТ
    2025-06-16 10:00

    Азербайджан, ставший инструментом в руках Тель-Авива, сегодня представляет главную угрозу безопасности Ирана и всего региона, распространение подобных фальшивок не спасёт Алиева от ответственности за подрыв региональной стабильности и предательство интересов мусульманского мира, написал в своем ТГ-канале руководитель молодежного крыла РПА Генрих Даниелян, коснувшись азербайджанских обвинений в отношении иранских армян и спецслужбы Армении, якобы «передававших секретную информацию третьей стороне». Публикацию полностью приводим ниже.

  • СЕРГЕЙ МАРКЕДОНОВ: НАСТУПЛЕНИЕ НА ЦЕРКОВЬ – НОВЫЙ ЭТАП «БАРХАТНОЙ РЕВОЛЮЦИИ»
    2025-06-16 09:28

    Церковь, как ранее парламент, суд или НКР становится помехой на пути к внутри-и-внешнеполитической гомогенизации, по которой уже не первый год последовательно продвигается Пашинян, написал в публикации «Наступление на церковь: новый этап «бархатной революции» в Армении?» в своем ТГ-канале ведущий научный сотрудник Центра евро-атлантической безопасности Института международных исследований МГИМО, российский политолог Сергей Маркедонов.

ПОСЛЕДНЕЕ ПО ТЕМЕ