2020-11-24 15:47
Информагентства
Անհետ կորած զինվորների հարազատները ՌԴ դեսպանատան մոտ են
Անհետ կորած զինծառայողների ծնողները հավաքվել են ՀՀ-ում Ռուսաստանի դեսպանության դիմաց։ Նրանքտղաների ճակատագրի վերաբերյալ պատասխաններ են ակնկալում ՌԴ իշխանություններից` նամակ–խնդրագիր հանձնելով դեսպանատուն։ Անհետ կորածների ծնողները նաև հորդորում են Ռուսաստանին` ավելի ակտիվ քայլեր անել զինծառայողների որոնողական աշխատանքների առնչությամբ և արդեն իսկ գործընթաց սկսել։
Արարատի մարզի Ոսկետափ գյուղի բնակիչ Գառնիկ Բարսեղյանը հայտնեց, որ իր թոռը` Մարտիրոս Բարսեղյանը, 1 տարի 4 ամսվա ծառայող էր, երբ պատերազմը սկսվել է։ Զինվորը Ջաբրայիլում է գտնվել պատերազմական օրերին և վերջին անգամ ընտանիքի հետ կապ է հաստատել հոկտեմբերի 11-ին։
«Գիշերը 11-ի կողմերը զանգեց ու շատ ցածր էր խոսում։ Երբ հարցրի` ինչ է եղել, ասաց` պապի, հետո կասեմ ու անջատեց հեռախոսը։ Գիտեմ, որ թոռս ոտքից վիրավոր է եղել։ Հիմա ոչ ինքը կա, ոչ էլ գումարտակը` 9 զինվորներով։ Ասեղ չեն մեր տղաները, որ կորան»,–ասաց Բարսեղյանը։
Մեկ այլ զինծառայողի հայր էլ ասաց, որ երեկ վարչապետ Նիկոլ Փաշինյանի մոտ կայացած հանդիպումն իրենց չի գոհացրել։
«Վարչապետը ներողություն խնդրեց մեզնից, որից հետո մի քանի հարցեր ուղղեցինք նրան։ Հետո ասաց` կարևոր հանդիպման է անհետ կորած զինծառայողների հարցերով ու դրանից հետո հանդիպումը շարունակվեց փոխվարչապետ Տիգրան Ավինյանի հետ»,–ասաց նա։
Անհետ կորած զինծառայողի հայրը կարծում է` պատերազմի ընթացքում ամենաշատ զոհերը Ջաբրայիլում ենք ունեցել, քանի որ 2000 հոգու դեմ Ադրբեջանը 8000-10 000 մարդ է ուղարկել։ Տղամարդու որդին նույնպես Ջաբրայիլում է գտնվել պատերազմի օրերին։ Նա հավելեց նաև, որ այս պահին 280 մարդ է փնտրում իր զինծառայողին։
Անհետ կորած զինծառայողների ծնողները հայտնեցին` ՌԴ դեսպանատուն ուղղված նամակում խնդրել են, որ ՌԴ նախագահ Վլադիմիր Պուտինը միջնորդի, որպեսզի որոնողական աշխատանքներ սկսվեն ԼՂ այն հատվածներում, որոնք անցել են հակառակորդի տիրապետության ներքո։
Նրանք նաև ակնակալում են, որ դեսպանատնից իրենցից որոշներին կընդունեն ու կլսեն իրենց։
Այս պահին բողոքի ակցիան շարունակվում է, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-04-23 19:44В сирийском городе Камышлы в преддверии 24 апреля, 110-й годовщины Геноцида армян, Демократическое армянское молодежное движение организовало акцию протеста перед зданием Высшего совета ООН.
-
New2025-04-23 19:43Католикос всех армян Гарегин II обсудил с представителями бразильских СМИ международное признание Геноцида армян, деятельность и миссию Армянской Апостольской Церкви, программы соцподдержки, оказываемыми церковью армянам Арцаха, а также межцерковные отношения, сообщает пресс-канцелярия Первопрестольного Святого Эчмиадзина.
-
New2025-04-23 19:41Школы в Стамбуле будут закрыты в четверг и пятницу, объявил министр образования Турции Юсуф Текин, передает BBC News.
-
New2025-04-23 19:39Европейские страны считают, что любое мирное соглашение, направленное на прекращение войны на Украине с Россией, должно включать в себя «территориальную целостность» страны, выступающей за ЕС, сообщает AFP со ссылкой на источник в офисе президента Франции Эммануэля Макрона.