2020-11-26 17:00
Информагентства
0
Արա Այվազյանն ու Գուտերեշն Արցախի հետ կապված հարցեր են քննարկել
ՀՀ արտաքին գործերի նախարար Արա Այվազյանի հեռախոսազրույց է ունեցել Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշի հետ և քննարկել թուրք-ադրբեջանական ագրեսիայի հետևանքով Արցախում ստեղծված մարդասիրական իրադրությունը և դրա հետևանքները տարածաշրջանի համար։ Տեղեկությունը հայտնում է ԱԳՆ մամուլի ծառայությունը։
«Անդրադարձ կատարվեց ստեղծված հումանիտար ճգնաժամին և դրա հասցեագրման ուղղությամբ ձեռնարկվող քայլերին։ Նախարար Այվազյանն այդ առնչությամբ առանձնահատուկ ընդգծեց միջազգային կառույցների և նախևառաջ ՄԱԿ համապատասխան մարմինների տեղում ներգրավվածության կարևորությունը»,–նշված է հաղորդագրության մեջ։
Հեռախոսազրույցի ընթացքում ՀՀ արտգործնախարարը շեշտել է տեղահանված արցախահայության վերադարձի համար պայմանների ապահովմանն ու վերջիններիս իրավունքների պաշտպանությանն ուղղված քայլերի անհրաժեշտությունը։
Նախարարը Գուտերեշին համապարփակ տեղեկություն է տրամադրել Ադրբեջանի վերահսկողության տակ հայտնված ռազմագերիների ու քաղաքացիական անձանց նկատմամբ խոշտանգումների և բռնության այլ դրսևորումների վերաբերյալ։
Երկուստեք առանձնահատուկ ընդգծվել է միջազգային մարդասիրական իրավունքի և մարդու իրավունքների նորմերի խստագույն պահպանումը, Արցախի պատմամշակութային ժառանգության նկատմամբ հարգալից վերաբերմունքը:
ПОСЛЕДНИЕ ОТ АВТОРА
-
New2024-11-25 15:46Показатель экономической активности в Армении январе-октябре вырос на 8,1% по сравнению с аналогичным периодом прошлого года, сообщает Минфин.
-
New2024-11-25 15:44Пока нет решения о продлении сроков миссии ЕС в РА. Об этом в беседе с Новости Армении - NEWS.am заявил советник главы наблюдательной миссии ЕС в Армении Маркуса Риттера, Марек Куберски.
-
New2024-11-25 15:43Депутаты парламента Грузии XI созыва переизбрали Шалву Папуашвили спикером законодательного органа. Голосование транслировалось на сайте парламента.
-
New2024-11-25 14:58По мнению члена Верховного органа РПА Эдуарда Шармазанова, запись посла Франции в Армении была в первую очередь пощечиной Пашиняну.