2020-11-26 18:55
Информагентства
Գեղամ Մանուկյան. Կառավարության հրաժարականը դարձել է համահասարակական պահանջ
«Երկիր մեդիա» ՀԸ լրատվական բաժնի տնօրեն Գեղամ Մանուկյանը արդեն 4-րդ օրն է՝ հացադուլ է անում Կառավարության շենքի դիմաց՝ պահանջելով Նիկոլ Փաշինյանի հրաժարականը:
Այսօր շտապ օգնության մեքենա էր ժամանել գործադիրի շենքի մոտ, հացադուլ իրականացնողների առողջական վիճակը ստուգելու համար:
Գեղամ Մանուկյանը Tert.am-ի հետ զրույցում ասաց, որ քաղաքական, աթոռի պայքար չէ ընթանում, Կառավարության հրաժարականը դարձել է համահասարակական պահանջ, քանի որ կուսակցություններին, քաղաքացիներին միացել են նաև Երևանի պետական համալսարանը, Գիտությունների ազգային ակադեմիան, սյփուռքի կազմակերպությունները:
«Ռազմական դրությունը իշխանությունը ցանկանում է պահպանել առանց որևէ բովանդակության, իմաստը: Ռազմական դրության պայմաններում խաղաղ հավաքներն արգելված են, ԶԼՄ-ների գործունեությունը սահմանափակվում և վերջապես՝ վարչապետին անվստահություն հայտնելու հարց չի կարող դրվել: Նիկոլ Փաշինյանը բոլոր միջոցներով փորձում է մի քանի օրով իր պաշտոնը երկարացնել»,- ասաց Գեղամ Մանուկյանը:
Նրա խոսքով՝ ժամանակավոր կառավարության ձևավորմամբ հնարավոր կլինի բեկում մտցնել և՛ արցախյան բանակցություններում, և՛ հայտնի հայտարարության դրույթների գործադրման հարցում:
«Հիմա Չարեկտարի պատմությունը, մարդկանց ասում են՝ դուրս եկեք, մարդիկ տներն են վառում, հաջորդ օրն ասում են՝ չէ, այս գյուղը մնալու է մեզ: Նույնը Բերձորի դեպքում է: Այս անպատասխանատվության շարանը, որ կա, վկայում է, որ անհնար է այս մարդը մեկ օր ավել մնա»,- նշեց «Երկիր մեդիա» ՀԸ լրատվական բաժնի տնօրենը:
Գեղամ Մանուկյանը կարծում է, որ Չարեկտարի հարցն ավելի կարևոր է, քան նախօրեին Ֆրանսիայի Սենատի կողմից Արցախի ճանաչման անհրաժեշտության բանաձևի ընդունումը:
«Հարցը լուծվում է գետնի վրա: Երեկվանը, այո, քաղաքական ժեստ էր, բայց այս պայմաններում, երբ Չարեկտարի հարցը կա, Չարեկտար գյուղն ինձ համար ավելի կարևոր է, քան 7 հատ նման բանաձև: Սա անկախության ճանաչում չէ, Նիկոլ Փաշինյանը բառախաղով, իշխանական ամբողջ քարոզչամեքենան երեկ թողել էր արցախցի գյուղացուն ադրբեջանցի զինվորականի դեմ կանգնած, թողել հայ ռազմագերիների հարցը, ամեն ինչը թողել էր, լծվել էր մի բանի՝ տեսեք ինչ եղավ, բրավո մեր իշխանություններին»,- ասաց նա:
Հարցին, թե պայքարի առաջին օրերին և հիմա իշխանության վերաբերմունքում փոփոխություն նկատե՞լ եք, Գեղամ Մանուկյանը պատասխանեց. «Անուններ չտամ, բայց բազմաթիվ իշխանավորներ տարբեր ոլորտների նույնիսկ իրենց զորակցությունն են հայտնում»:
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».