2020-11-27 17:57
Информагентства
0
Եթե Ադրբեջանի կողմից տարածվող տեսանյութերում ճանաչել եք հարազատի, դիմեք Քննչական կոմիտե
Բոլոր այն անձինք, ովքեր համացանցում ադրբեջանցիների կողմից նկարահանված տեսանյութերում ճանաչել են իրենց հարազատներին, պետք է դիմեն ՀՀ քննչական կոմիտե։ Տեղեկությունը հայտնում է կոմիտեի մամուլի ծառայությունը։
Նշվում է, որ Քննչական կոմիտեի և Ազգային անվտանգության ծառայության քննչական դեպարտամենտի ծառայողներից բաղկացած քննչական խումբն իրականացնում է մեծածավալ աշխատանք՝ պատերազմի ընթացքում Ադրբեջանի կողմից միջազգային մարդասիրական իրավունքի նորմերի լուրջ խախտումներ համարվող արարքներ կատարելու և այլ դեպքերով հարուցված քրեական գործի շրջանակներում։
«Նախաքննության ընթացքում, ի թիվս այլնի, վարույթն իրականացնող մարմնի կողմից քննության առարկա են դարձվում նաև Արցախի Հանրապետության պաշտպանության բանակի՝ ռազմագերու կարգավիճակում գտնվող զինծառայողների, ինչպես նաև` քաղաքացիական բնակչության նկատմամբ միջազգային մարդասիրական իրավունքի նորմերի լուրջ խախտումներ համարվող արարքների՝ սպանությունների, խոշտանգումների, անմարդկային ու արժանապատվությունը նվաստացնող վերաբերմունքի բոլոր դեպքերը»,- նշված է հաղորդագրության մեջ։
Նրանք, ովքեր տարածվող տեսանյութերում կտեսնեն իրենց հարազատներին, և դեռևս նրանց մասնակցությամբ քննչական գործողություններ չեն իրականացվել, կարող են կապ հաստատել քրեագիտական վարչության հետ՝ (011)88-00-94 և (011)88-00-21 հեռախոսահամարներով:
Ավելի վաղ հայկական ԶԼՄ–ները` հղում անելով ռուս գործընկերներին, հայտնել էին 150 հայ գերիների մասին։
ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա, նրանց թվում զինվորականներ և խաղաղ բնակիչներ։
Այս պահի դրությամբ լրատվամիջոցներին հայտնի են երեք գերիների անունները՝ Արեգ Սարգսյան, Նարեկ Ամիրջանյան և Ալբերտ Միքայելյան, և մեկ խաղաղ բնակիչ՝ Ազնիվ Բաղդասարյան:
Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:
Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2024-11-22 18:33Для администрации Дональда Трампа украинское и иранское направление будут важны, и очевидно, что они будут важны и для нас, потому что это окажет на нас косвенное влияние. Об этом на обсуждении «Влияние выборов в Грузии, США, украинского конфликта на безопасность Армении» заявил политолог Сурен Саркисян.
-
New2024-11-22 18:31Депутат правящей фракции «ГД» Овик Агазарян вчера был допрошен в Антикоррупционном комитете в связи с инцидентом с бывшим главой Следственного комитета. Его допрашивали почти пять часов, а затем изъяли у него телефон.
-
New2024-11-22 18:28Глава дипломатии ЕС Жозеп Боррель выразил мнение, что президент России Владимир Путин и будущий глава Белого дома Дональд Трамп могут сесть за стол переговоров.
-
New2024-11-22 18:27Премьер-министр Виктор Орбан в пятницу пригласил израильского коллегу Биньямина Нетаньяху посетить Венгрию, но несколько других европейских стран заявили, что израильский премьер будет задержан, если он ступит на их землю, после того как был выдан ордер на его арест, пишет Reuters.