2020-11-28 18:03
Информагентства
Ֆրանսիան Թուրքիայից սպասում է ԼՂ–ից վարձկանների դուրսբերման կոնկրետ գործողություններ
Ֆրանսիան Թուրքիայից սպասում է Լեռնային Ղարաբաղից վարձկանների դուրսբերման կոնկրետ գործողությունների։ Այս մասին Երևանում լրագրողների հետ հանդիպման ժամանակ ասաց Ֆրանսիայի ԱԳՆ պետքարտուղար Ժան-Բատիստ Լըմուանը։
Նա հիշեցրեց, որ հակամարտության առաջին օրվանից սկսած` Ֆրանսիան Ռուսաստանի և ԱՄՆ-ի հետ ջանքեր է գործադրել ռազմական գործողությունները դադարեցնելու համար։ Հայտարարվել է երեք հրադադար, բայց ոչ մեկը չի կատարվել։
Լըմուանը նշեց, որ նոյեմբերի 10-ին Հայաստանի, Ադրբեջանի և Ռուսաստանի միջև ստորագրված հայտարարության մեջ բացակա են կարևոր տարրեր։
«Օրինակ՝ հայտարարության մեջ Սիրիայից բերված վարձկաններին տարածաշրջանից դուրս բերելու առումով կետեր չկան։ Ղարաբաղի կարգավիճակը հստակեցված չէ։ Հարցեր կան կապված անվտանգության և կայունության հետ։ Ուստի կարևոր է բանակցությունների շարունակումը ԵԱՀԿ Մինսկի խմբի շրջանակում։ Այսպիսի ցանկություն են հայտնել նաև հայկական և ադրբեջանական կողմերը»,- նշեց Լըմուանը։
Նա շեշտեց, որ Ֆրանսիայի նախագահն առաջինն է «իրերն իրենց անուններով կոչել» և ասել, որ Ղարաբաղում կան Թուրքիայի կողմից տեղափոխված վարձկաններ։ Ֆրանսիան Թուրքիայից սպասում է վարձկաններին դուրս բերելու կոնկրետ գործողություններ և եվրոպացի գործընկերների հետ քննարկում է պատժամիջոցների հարցը։
Արցախի դեմ սանձազերծած պատերազմի առաջին իսկ օրերից հայտնի դարձավ, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Այս տեղեկությունները հաստատել էր նաև ՌԴ Արտաքին հետախուզական ծառայության պետ Սերգեյ Նարիշկինը:
ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել Ղարաբաղյան հակամարտության գոտի։
Հայտնի է, որ սիրիացի ահաբեկիչներին 1,5-2 հազար դոլար են խոստացել ռազմական գործողություններին 1 ամիս մասնակցելու համար։ Այս տեղեկությունը հաստատել են ոչ միայն հայաստանյան և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։
Նշենք, որ հայկական կողմին արդեն հաջողվել է գերեվարել 2 սիրիացի վարձկան–ահաբեկչի։ Նրանցից առաջինին` Մեհրեդ Մուհամմադ Ալշխերին, բռնել են հոկտեմբերի 30–ին, իսկ երկրորդին` Յուսեֆ Էլ Աբեդ Էլ Հաջիին, հայ զինծառայողները գերեվարել են նոյեմբերի 1–ին։ Նրանք արդեն ցուցմունք են տվել և պատմել իրենց հավաքագրելու պայմանների մասին, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-04-18 19:31Председатель комитета по международным делам Государственной Думы РФ, лидер ЛДПР Леонид Слуцкий в интервью азербайджанским журналистам исполнил дифирамбы Азербайджану и позволил себе рассуждать о Конституции Армении.
-
New2025-04-18 19:29Председатель Комиссии по телевидению и радиовещанию Армении Тигран Акопян заявил о необходимости сократить количество иностранных телеканалов в общественном мультиплексе.
-
New2025-04-18 18:46Адресатом номер один требований вернуть награбленные деньги являются власти Армении. Об этом в беседе с корреспондентом Новости Армении - NEWS.am заявил бывший госминистр Арцаха, член Совета по защите прав народа Арцаха Артак Бегларян, имея в виду состоявшуюся сегодня акцию протеста группы арцахцев перед зданием представительства Арцаха с требованием «вернуть украденные из Арцаха деньги, деньги Инвестиционного фонда и решить их социальные проблемы».
-
New2025-04-18 18:44В Армении знают цену Победы и бережно относятся к истории Великой Отечественной войны. Об этом спикер парламента Ален Симонян заявил на заседании Межпарламентской ассамблеи СНГ в Санкт-Петербурге.