2020-11-29 21:29
Информагентства
Էդուարդ ՇԱՐՄԱԶԱՆՈՎ. «ՓԱՇԻՆՅԱՆԸ ԼԿՏԻԱԲԱՐ ՍՏՈՒՄ Է»
ՀՀԿ ԳՄ անդամ Էդուարդ Շարմազանովը Facebook-ում կատարած գրառմամբ պատասխանել է ՀՀ վարչապետ Նիկոլ Փաշինյանի գրառմանը՝ հրադադարի ու Շուշին հանձնելու առաջարկի մասին:
«Հոկտեմբերի 19-ին արտախորհրդարանական ուժերի հետ հանդիպմանը հողատուն խոսել է բացառապես 7 շրջաններից. ո՛չ Հադրութի և ո՛չ էլ Շուշիի մասին խոսք չի եղել»,- Փաշինյանի հետ ունեցած փակ հանդիպման որոշ մանրամասներ է ներկայացնում Շարմազանովը:
Նա նաև հայտնում է, որ դրանից շուրջ մեկ շաբաթ առաջ՝ հոկտեմբերի 12-ին, Նիկոլ Փաշինյանին առաջարկել է խնդրել Պուտինին, որ կանգնեցվի պատերազմը։
«Ավելին. ասել եմ, որ այսօրվա զինադադարի առաջարկը վաղը կարող է չլինել ու պատերազմը շարունակվելու դեպքում հնարավոր են նոր մարդկային ու տարածքային կորուստներ։ Բայց նա դա չի արել ու շարունակել է ժողովրդից թաքցնել իրականությունն ու ասել թե հաղթում ենք»,- գրում է Շարմազանովը։
ՀՀԿ խոսնակը նաև հիշեցնում է, որ Փաշինյանը հոկտեմբերի 19-20-ին մերժել է ՌԴ նախագահի՝ պատերազմը դադարեցնելու առաջարկը, ինչը Պուտինի բնորոշմամբ, իր համար «անհասկանալի» է եղել։ «Իսկ այսօր լկտիաբար ստում է, թե Պուտինը իր պատասխանը «տրամաբանական» է համարել»,- նշում է նա:
ՀՀ վարչապետ Նիկոլ Փաշինյանն այսօր, ավելի վաղ Facebook-ում Արցախյան պատերազմի մասին հերթական գրառում էր արել, որտեղ հայտնել էր, որ արտախորհրդարանական ուժերի հետ հանդիպման ժամանակ նրանց տեղեկացրել է, որ որոշում է կայացրել ընդունելու Պուտինի հրադադարի առաջարկը: «Նրանցից շատերի արձագանքը դժկամ էր, ոմանք նիստից հետո սոցիալական ցանցերում գրում էին, որ նրանք, ովքեր ժողովրդին ետ կպահեն հետագա պայքարից, դավաճան են և այլն»,- գրել էր Փաշինյանը:
Վարչապետը նաև հայտնել էր, թե այդ պահին, եթե անգամ Հադրութի հարցով համաձայներ, Շուշին Ադրբեջանին հանձնելու հնարավորությունը չէր պատկերացնում:
ПОСЛЕДНИЕ ОТ АВТОРА
-
New2025-06-02 06:40Дирижер Доминго Хиндоян станет художественным руководителем Los Angeles Opera с 2026 года. Об этом сообщает пресс-служба Лос-Анджелесской оперы, а также сам Хиндоян в соцсети.
-
New2025-06-02 06:36Фракция "Айастан" Национального Собрания Армении осуждает высказывания премьер-министра Никола Пашиняна против руководства Армянской Апостольской церкви. Об этом говорится в заявлении фракции.
-
New2025-06-02 06:33Бывшая глава группы дружбы Франция-Армения Национальной ассамблеи Франции Анн-Лоранс Петель заявила, что армяне Сюника ежедневно сталкиваются с азербайджанской агрессией.
-
New2025-06-02 06:26В Армении 1 июня не может быть праздником, пока в стране не защищены права детей. Об этом заявили представители АРФ Дашнакцутюн, которые провели акцию протеста у ворот правительственных дач, где проживает также премьер Никол Пашинян с семьей.