2020-12-02 16:03
Информагентства
0
Շարմազանով. ԱԱԾ-ն ճիշտ կանի, եթե պարզի, թե ինչպես Փաշինյանը բանակը վերածեց «Էրատո» ջոկատների
Ակնհայտ է, որ ԱԱԾ հաղորդագրությունը քաղաքական ենթատեքստ ունեցող հայտարարություն է, Aysor.am-ի թղթակցի հետ զրույցում ասաց Հանրապետական կուսակցության մամուլի խոսնակ Էդուարդ Շարմազանովը։
Նշենք, որ այսօր ԱԱԾ-ն հաղորդագրություն էր տարածել՝ նշելով, թե զանգվածային անկարգություններին մասնակից անձանց մեջ մեծ թիվ են կազմել ՀՀ երկրորդ նախագահ Ռոբերտ Քոչարյանի կողմնակիցները, «Հայ հեղափոխական դաշնակցություն» կուսակցության անդամ հանդիսացող անձինք, «Կամք» նախաձեռնության, «Այլընտրանք» հասարակական կազմակերպության անդամները, Հայաստանի Հանրապետական կուսակցության աջակիցները, Հայաստանի Հանրապետական կուսակցության նախկին պատգամավորների օգնականները, համակիրները։
«ԱԱԾ-ն նախևառաջ պետք է գրեր, որ նոյեմբերի 10-ին Ազգային ժողովում և կառավարությունում Նիկոլ Փաշինյանի աջակիցների մի մաս կա, շատ հստակ։ Եվ երկրորդ, ինչ է նշանակում հանրապետականների աջակիցներ, այդ ինչպես են նայում, աջակի՞ց է, թե՝ չէ։ Այսինքն, փնտրել, տեսել են կուսակից չկա, հիմա փնտրում են՝ աջակից կա, թե չէ։ Դա աբսուրդ հայտարարություն է։ Ինքս այդ դեպքերի հենց հաջորդ օրը հայտարարություն եմ տարածել ու ցանկացած անօրինական գործողություն դատապարտել եմ։ ԱԱԾ-ն, շատ ավելի ճիշտ կլինի, որ զբաղվի պետության անվտանգությամբ և չկատարի հողատու Նիկոլ Փաշինյանի անօրինական հրամանները։ Մենք այնտեղ որևէ բան ոչ կազմակերպել ենք, ոչ էլ ներկա եղել, աբսուրդ է այդ ամենը կազմակերպել և կապել մեր ու այլ կուսակցություններին հետ։
ԱԱԾ հաղորդագրության մեջ նշված էր նաև, թե զանգվածային անկարգություններին մասնակցած անձանց գերակշիռ մասը պարտադիր զինվորական ծառայություն անցած չի եղել։ Արձագանքելով այս դիտարկմանը՝ ՀՀԿ խոսնակն ասաց հետևյալը.
«Ինչ վերաբերում է բանակում ծառայել են, թե ոչ, ապա բանակում չի ծառայել նախևառաջ Հայաստանի գերագույն գլխավոր հողատուն՝ Նիկոլ Փաշինյանը։ ԱԱԾ-ն նման հաղորդագրություն տարածելու փոխարեն, ավելի ճիշտ կանի հենց ՀՀ անվտանգության սպառնալիքի կանխարգելման առումով քննություն սկսի, թե այդ ինչպես եղավ, որ Նիկոլ Փաշինյանը, ինչպես Մովսես Հակոբյանն էր ասում, պատերազմի երրորդ օրը կանգնեցնել տվել զորահավաքը, բանակը վերածեց «Էրատո» ջոկատների և ամսի 20-ին մերժեց Պուտինի առաջարկը»։
ПОСЛЕДНИЕ ОТ АВТОРА
-
New2024-11-22 19:41В Ереване в концертном зале им. Арама Хачатуряна 24 ноября пройдет концерт, посвященный 100-летию квартета им. Комитаса. С музыкальными приветствиями выступят государственный камерный оркестр Армении, джаз-трио Арега Арустамяна, Барсег Туманян, Грачуи Басенц, пианист и дирижер Ваагн Папян, пианистка Карин-Хелльман Геворкян, и, конечно, сам квартет им. Комитаса.
-
New2024-11-22 19:38Суд оправдал еще двоих арестованных сторонников «Священной борьбы». Об этом сообщил адвокат Ваге Еприкян.
-
New2024-11-22 19:35Популярный актер, народный артист Армении Грант Тохатян два месяца находился в медцентре Микаеляна, однако сейчас он уже дома. Об этом изданию Tert.am сообщила супруга Тохатяна, актриса Луиза Нерсисян.
-
New2024-11-22 19:33Бывший чиновник из Арцаха, обвиняемый в шпионаже, Саргис Галстян, переехавший в Армению после почти полугодового пребывания в Степанакерте (после его оккупации Азербайджаном – ред), признан виновным и приговорен к 18 годам лишения свободы. Об этом сообщает прокуратура.