Գագիկ Ծառուկյան․ Փաշինյանի հրաժարականն ու նրա թիմի հեռացումն այլընտրանք չունի
Ընդդիմության հանրահավաքում այսօր «Բարգավաճ Հայաստան» կուսակցության ղեկավար Գագիկ Ծառուկյանի ուղերձը երևանի Ազատության հրապարակում ներկայացրեց նրա խոսնակ, պատգամավոր Իվետա Տոնոյանը՝ նշելով, որ Ծառուկյանը պետք է լիներ հրապարակում, բայց կանչվել է Ազգային անվտանգության ծառայություն, տեղեկացնում է Sputnik Armenia-ն:
Ծառուկյանն իր ուղերձում նշում է, որ Նիկոլ Փաշինյանը շարունակում է իր նկատմամբ քաղաքական հետապնդում իրականացնել, իր աթոռը պահելու համար պատրաստ լինելով ամենաստոր քայլերին:
«Նիկոլ Փաշինյանը պետք է վախենա ոչ թե ինձանից, այլ իր ժողովրդի բարկությունից, անտուն մնացած հարյուր հազարավոր արցախցիներից, զավակ կորցրած ծնողի ցասումից»,- ասված է Ծառուկյանի ուղերձում:
ԲՀԿ առաջնորդը հիշեցնում է, որ դեռ 6 ամիս առաջ է զգուշացրել մոտալուտ վտանգի մասին ու հայտարարել, որ իշխանությունները պետք է հեռանան: Ընդ որում, դա, ըստ նրա, ոչ թե իր անձնական ամբիցիան էր, այլ մոտալուտ վտանգը կանխելու առաջարկը:
«Ես դեռ հուլիսի 5-ին էի հայտարարել, որ բացառիկ տաղանդ է պետք ունենալ ռազմավարական գործընկերոջ հետ հարաբերություններն այս աստիճան վատացնելու համար»,- նշել էր Ծառուկյանը՝ հիշեցնելով, որ այդ գործընկերը ի վերջո օգնության ձեռք մեկնեց ու կանգնեց ժողովրդի կողքին:
Որպես ձախողումներ Ծառուկյանն իր ուղերձում նշել է նաև տնտեսության ողնաշարի կոտրելը, կորոնավիրուսի դեմ պայքարի տապալումն ու արտաքին աշխարհի գործընկերների հետ հարաբերությունների վատացումը:
Ըստ Ծառուկյանի, այսօր՝ արդեն Արցախի կապիտուլյացիայից հետո Փաշինյանի հրաժարականն ու նրա թիմի հեռացումն այլընտրանք չունի:
«Իհարկե, որքան էլ ցավալի է, պետք է ընդունենք, որ Արցախը հետ բերել չենք կարող, բայց գոնե նոր իշխանությունը հնարավորությւն կունենա բանակցությունների արդյունքում մինիմումի հասցնել ստորագրված խայտառակ փաստաթղթի հետևանքները: Հնարավորություն կունենա արժանապատվորեն շարունակել բանակցային գործընթացը, արտաքին աշխարհի հետ վարել մեր ազգային շահերը պաշտպանող բանակցություններ»,- նշված է ուղերձում:
Հեռանալու փոխարեն, ըստ Ծառուկյանի, Փաշինյանը փորձում է արդարանալ և իր մեղքը բարդել այլոց վրա, անգամ ՌԴ նախագահի, ով, ԲՀԿ առաջնորդի համոզմամբ, իրենից լավ է տիրապետում բանակցային գործընթացին: Ըստ Ծառուկյանի՝ Փաշինյանը փորձում է սուտ պատմություններով կերակրել ժողովրդին ու շեղել նրա ուշադրությունը:
Ծառուկյանն իր ուղերձում անդրադարձել է նաև ընդդիմության միասնական թեկնածու Վազգեն Մանուկյանի անձին՝ նշելով, որ նա ի վիճակի է լուծելու երկրի առջև ծառացած խնդիրները:
«Նրա գլխավորությամբ անհրաժեշտ է օր առաջ ստեղծել անցումային ժամանակավոր կառավարության ու Հայաստանի բարեկամ, ռազմավարական գործընկեր, տարածաշրջանում անվտանգության միակ երաշխավոր հանդիսացող ՌԴ-ի հետ հստակ կազմել ճանապարհային քարտեզ, փրկել այն, ինչ դեռ հնարավոր է»,-նշել է Ծառուկյանը:
Նա նաև շեշտել է, որ ՀՀ այսօրվա իշխանության հետ որևէ մեկն այլևս չի բանակցելու, գումար չի տալու ու ներդրում չի անելու, քանի որ որևէ մեկն այդ իշխանությանն այևս լուրջ չի ընդունում:
Ծառուկյանը նաև շեշտել է, որ որևէ քաղաքական ուժ այս իրավիճակում չի կարող միայնակ ելքեր գտնել, ուստի հարկավոր է շտապել ու օր առաջ ստեղծել ազգային միասնության կառավարություն:
ПОСЛЕДНИЕ ОТ АВТОРА
-
2025-06-09 13:47
На Каннском фестивале-2025 представили ленту «Финикийская схема» — новый шедевр Уэса Андерсона, который уже успел побить рекорды в ограниченном прокате.
-
2025-06-09 13:28
Пакистан продает Азербайджану 40 истребителей четвертого поколения JF-17 Thunder, что является крупным военным шагом, который, несомненно, расстроит соседнюю Армению, пишет Forbes.
-
2025-06-09 12:41
Председатель Комитета государственных доходов Армении Эдуард Акопян на совместных заседаниях постоянных парламентских комиссий во время обсуждения отчета «Об исполнении Государственного бюджета Республики Армения в 2024 году» объяснил, почему Зангезурский медно-молибденовый комбинат не попал в список 1000 крупнейших налогоплательщиков республики в первом квартале 2025 года.
-
2025-06-09 12:40
Президента Арцаха Самвела Шахраманяна снова вызвали в Следственный комитет(СК). В данный момент Шахраманян находится в здании СК, где проходит его допрос.