2020-12-10 15:14
Информагентства
Սեյրան ՕՀԱՆՅԱՆ․ ԵԹԵ ԱՅՍ ԻՇԽԱՆՈՒԹՅՈՒՆԸ ՕՐ ԱՌԱՋ ՉՀԵՌԱՆԱ, ԱՊԱ ՎՏԱՆԳՎԱԾ Է ՀՀ ԲՆԱԿՉՈՒԹՅԱՆ ՖԻԶԻԿԱԿԱՆ ԳՈՅՈՒԹՅՈՒՆԸ
ՀՀ պաշտպանության նախկին նախարար, Արցախի հերոս Սեյրան Օհանյանը ֆեյսբուքյան գրառում է արել՝ նշելով, որ եթե ներկայիս իշխանությունն իր ղեկավարի հետ օր առաջ չհեռանա, ապա վտանգված են Հայաստանի Հանրապետության անկախությունը, սահմանների անձեռնմխելիությունը, բնակչության ֆիզիկական գոյությունը։
«Հայաստանի Հանրապետության, Արցախի Հանրապետության պետականության, հասարակության և անհատի անվտանգության ապահովման, կայուն զարգացման, հայ ինքնության պահպանման երաշխավոր իշխանությունը՝ ՀՀ վարչապետ Նիկոլ Փաշինյանն ազգային ժողովում իրեն սատարող մեծամասնության հետ, ՀՀ Սահմանադրությամբ իրեն վերապահված պարտականությունները պատշաճ չկատարելով, իր ոչ հայամետ պետական քաղաքականությամբ, անարդյունավետ կառավարմամբ, բնակչության պառակտմամբ և միջազգային ներգրավվածությունն ապահովող ոչ լիարժեք արտաքին քաղաքականությամբ, երկիրը ներքաշեց ազգակործան պատերազմի մեջ և նույնիսկ մրցունակ Բանակով տարավ պարտության։
Եթե այս իշխանությունն իր ղեկավարի հետ օր առաջ չհեռանա, ապա վտանգված են Հայաստանի Հանրապետության անկախությունը, սահմանների անձեռնմխելիությունը, բնակչության ֆիզիկական գոյությունը», - գրել է Սեյրան Օհանյանը։
Հիշեցնենք՝ Բաքվում անցկացված զորահանդեսին Իլհամ Ալիևը հայտարարել է, որ Երևանը, Զանգեզուրը և Սևանը պատմական ադրբեջանական հողեր են։
«Այն ժամանակ ժամանակակից Հայաստանի տարածքում ապրող ադրբեջանցիներին վտարել են իրենց հայրենի հողերից: Զանգեզուր, Գեյչե (Սևան), Իրևան՝ սրանք բոլորը պատմական ադրբեջանական հողեր են: Մեր ժողովուրդը դարեր շարունակ ապրել է այնտեղ, բայց Հայաստանի ղեկավարությունը հարյուր հազարավոր ադրբեջանցիներին վտարել է հայրենի հողերից: Այնուհետև Ղարաբաղում նկատվել է նույն պատկերը՝ Խոջալուի ցեղասպանություն, Շուշիի և Լաչինի գրավում, որը Լեռնային Ղարաբաղի տարածքը կապել է Հայաստանի հետ», - հայտարարել է Ադրբեջանի նախագահը:
ПОСЛЕДНИЕ ОТ АВТОРА
-
New2025-05-21 12:10Для парламента Арцаха Самвел Шахраманян, срок полномочий которого на посту арцахского президента истекает сегодня, может стать единственным кандидатом в президенты республики, пишет газета «Грапарак» со ссылкой на свои источники.
-
New2025-05-21 12:08Активист движения "Тавуш во имя Родины" Месроп Есаян оправдан судом по уголовному делу, возбужденному в связи с его участием в акции протеста в 2024 году перед зданием МИД. Об этом сообщил адвокат Арсен Бабаян.
-
New2025-05-21 12:06Вооруженные силы Израиля занимаются подготовкой удара по иранской ядерной инфраструктуре, несмотря на переговоры Вашингтона и Тегерана. Об этом, как передает ТАСС, сообщил телеканал CNN со ссылкой на источники в правящих кругах США.
-
New2025-05-21 11:18Глава МИД России Сергей Лавров начал свой рабочий визит в Армению с возложения венка к Вечному огню в парке Победы Еревана.