2020-12-12 19:05
Информагентства
Դավիթ Հարությունով. Եթե իրավիճակը ստիպի, ՌԴ–ն կընդլայնի իր միջոցները
Ռազմական փորձագետ Դավիթ Հարությունովը Sputnik Արմենիայի եթերում անդրադարձել է Ադրբեջանի ձեռնարկած հարձակման փորձին։
Դավիթ Հարությունովի դիտարկմամբ` թեև օբյեկտիվ ու մանրամասն տեղեկատվություն դեռ չկա այն մասին, թե իրականում ինչ է տեղի ունեցել երեկ ՊԲ հարավային ուղղությամբ տեղակայված մարտական դիրքերից մեկի ուղղությամբ, սակայն հաշվի առնելով այն հանգամանքը, որ հակամարտող կողմերը փաստացի գտնվում են դեմ դիմաց, նման իրավիճակը հնարավոր չէ բացառել և դա գուցեև շարունակությունն է այն միջադեպերի, որոնք եղել են նախկինում։
«Մյուս կողմից այն ուժը, ի դեմս խաղաղապահների, որը բաժանում է կողմերին, մեծաքանակ չէ և ի զորու չէ շփման գծի ողջ երկայնքով վերահսկել իրավիճակը, հետևաբար սա նույնպես հաշվի առնելով` չի կարելի բացառել հնարավոր միջադեպերը։ Իհարկե խաղաղապահների ներկայությունը զսպող գործոն է, որ չլինեն խոշորամասշտաբ բախումներ, բայց հաշվի առնելով այն հանգամանքը, որ շփման գիծը բավականին մեծ է, իսկ խաղաղապահների թիվը փոքր, ապա կարող են լինել ներթափանցումներ, սադրանքներ, առևանգումներ և փոխհրաձգություններ»,– Sputnik Արմենիային ասաց ռազմական փորձագետը։
Հարությունովի կարծիքով` հետպատերազմական օրերին սա առաջին նմանատիպ միջադեպն է, և դեռ պարզ չէ, թե ինչպես դրան կարձագանքի ռուսական կողմը։
Ըստ նրա` հնարավոր է, որ կգտնվեն ինչ–որ լուծումներ կամ մեխանիզմներ նաև ադրբեջանական կողմի վրա ճնշման տեսքով, որովհետև կայունությունն ու հրադադարն ապահովելու պատասխանատվությունը ռուսական կողմի իրավասության շրջանակում է։
«Առհասարակ կոնֆլիկտների պատմությունը ցույց է տալիս, որ կարող է լինել երկու իրավիճակ, մեկն այն է, որ խնդիրներ են առաջանում կոնկրետ խաղաղապահ առաքելության հետ, և նրանց ներկայությունն անգամ չի զսպում հակամարտող կողմերին, մյուսն այն է, որ նույնիսկ առանց խաղաղապահների ներկայության` ճակատային գծի առանձին հատվածներում կարող է որոշ չափով լինել կայուն իրավիճակ, հետևաբար չի կարելի բացառել, որ ինչ–ինչ մեխանիզմներ կգտնվեն»,– նշեց ռազմական փորձագետը։
Նրա խոսքով` ռուսական կողմն իր քիչ թվաքանակը կոմպենսացնելու համար օգտագործում է տեխնիկական միջոցներ` անօդաչու սարքեր և հետախուզական միջոցներ, բայց եթե իրավիճակը ստիպի, ապա կարող են գնալ այդ միջոցներն ընդլայնելու ճանապարհով` ելնելով շփման գծի երկարությունից և բարդ տեղանքից, իսկ ինչ վերաբերում է խաղաղապահների թվաքանակի ավելացմանը, ապա այդ հարցն, ըստ Հարությունովի, թեև տեխնիկապես լուծելի է, բայցևայնպես գտնվում է քաղաքական–դիվանագիտական տիրույթում և պետք է լուծվի հակամարտող կողմերի փոխհամաձայնությամբ, մանավանդ որ արցախյան կողմն արդեն ակնարկել է այդ մասին։
ПОСЛЕДНИЕ ОТ АВТОРА
-
New2025-08-05 14:02«Самое серьёзное ограничение, которое вызывает у меня недовольство, — это фактический запрет на выезд из Армении, что мешает моей международной деятельности», — заявил в ходе встречи с журналистами заместитель председателя Республиканской партии Армении Армен Ашотян.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.