Последние новости
2020-12-14 21:30

Ջերմուկի քաղաքապետ. Սահմանն այժմ 12 կմ է հեռու Ջերմուկ քաղաքից

0
Telegram

Ջերմուկի սարերի մոտ ադրբեջանական զինվորական մեքենաների կուտակումները եղել են շուրջ երկու շաբաթ առաջ, երբ ադրբեջանական կողմը հայ-ադրբեջանական նոր սահմանին է մոտեցել՝ սահմանները ճշտգրտելու և դիրքերը ամրապնդելու համար։ Այս մասին News.am-ին հայտնեց Ջերմուկի քաղաքապետ Վարդան Հովհաննիսյանը՝ նշելով, որ այդ օրը ինքը նույնպես եղել է սահմանին, բանակցություններ են ընթացել երկու կողմերի միջև՝ սահմանազատման առնչությամբ։

«Ոնց որ մերոնք են բարձրացել մեքենաներով, այդպես էլ իրենք են եկել, ընդ որում իրենց մեքենաները չեն եղել միայն Ջերմուկի ուղղությամբ դիրքերը պահելու անձնակազմ տեղափոխող, այլ նաև հարակից ուղղություններով։ Հայկական կողմից եղել են զինվորականներ, բանակցությունները վարել ենք ՊԲ համապատասխան սպաները, խորհրդային տարիների գծված սահմանով սահմանազատում է արվել, մեր բանակն էլ կանգնած է Հայաստանի սահմանին»,- ասաց քաղաքապետը՝ նշելով, որ Ջերմուկի ուղղությամբ սահմանը պահում են Քարվաճառից դուրս եկած բանակային ստորաբաժանումները։

Սահմանն այժմ, ըստ քաղաքապետի, 12 կմ է հեռու Ջերմուկ քաղաքից։ Այդ հատվածում ադրբեջանական վերահսկողության տակ են անցնում կրկին արոտավայրեր, որոնցից օգտվում են մոտակա գյուղերի բնակիչները։

Քաղաքապետի խոսքով՝ Ջերմուկի՝ սահմանամերձ դառնալուց հետո քաղաքի առօրյան չի փոխվել, առողջարաններն աշխատում են նախկինի պես։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ