2020-12-15 13:10
Информагентства
0
Արմեն ԱՇՈՏՅԱՆ․ ԵԹԵ ՉՓՈԽԵՆՔ ԽԵԼԱԳԱՐԻՆ, ՀԱՅԱՍՏԱՆԸ ԿԱՐՈՂ Է ԸՆԿՆԵԼ ՁՈՐԸ
ՀՀԿ փոխխոսնակ Արմեն Աշոտյանը ԵԱՀԿ ՄԽ համանախագահների վերջին այցն դատարկ փամփուշտով կրակոց է անվանել՝ նշելով, որ այսուհետ Ռուսաստանն է որոշելու. խաղացնի Մինսկի խմբին, թե չխաղացնի, կամ ինչ չափով խաղացնի: Ակնհայտ է, որ Հայաստանին անհրաժեշտ Մոսկվայի հետ լիարժեք, անկեղծ և վստահելի աշխատող նոր իշխանություն,- գրել է Աշոտյանը իր ֆեյսբուքյան էջում:
«ԵԱՀԿ ՄԽ համանախագահների վերջին այցն դատարկ փամփուշտով կրակոց էր։ Ակնհայտ է, որ այսուհետ Ռուսաստանն է որոշելու. խաղացնի Մինսկի խմբին, թե չխաղացնի, կամ ինչ չափով խաղացնի։
Ռուսաստանն Արցախյան խնդրի կարգավորման փաստացի երկու խաղադաշտ է ստացել և դաշտի ընտրությունը կկատարի ըստ գլոբալ աշխարհաքաղաքան խաղի լոկալ դրսևորումների։
«Արևմուտք թե Թուրքիա» տարբերակների մեջ մեզ ակնհայտորեն ձեռնտու է առաջինը, շատ հասկանալի պատճառներով։
Սակայն պատերազմի ընթացքում Արևմուտքի գործած բազմաթիվ սխալները և չգործած բազմաթիվ քայլերը կտրուկ նվազեցրել են իր ներկայության հիմնավորումը տարածաշրջանում։ Արևմուտքն ինքն է մեղավոր ստեղծված իրավիճակի համար։
Բայց անգամ այս մեխանիկան է երկրորդական, մինչև մենք չունենանք Մոսկվայի հետ լիարժեք, անկեղծ և վստահելի աշխատող նոր իշխանություն։
Հայաստանը այս պահին Արցախի անվտանգության երաշխավորը չէ։ Իր անվտանգության հարցով էլ այս դավադիր ոհմակի շուրթերով հղումներ է անում ոչ թե ուժեղ բանակի, այլ միջազգային նորմերի վրա, որոնք, իդեպ, գնալով ավելի քիչ են աշխատում այսօրվա աշխարհում։
Այս իշխանության հեռացման հարցը ոչ միայն կապիտուլյացիոն ակտի և դավադրությունների «հաշիվը փակելու» խնդիր է, այլև իրականում Հայաստանի և Արցախից մնացած հատվածի անվտանգության հարց։
Հենց հաջորդ պատմական ոլորանին Հայաստանը կարող է ընկնել ձորը, ուստի օր առաջ պետք է փոխել մեքենան փախցրած, ջարդուփշուր արած, անսթափ և 5000 հոգի տակը գցած խելագարին»,- գրել է Աշոտյանը։
ПОСЛЕДНИЕ ОТ АВТОРА
-
New2024-04-26 20:45На перекрестке улиц Лео-Пароняна в Ереване проходит церемония зажжения свеч в память о скончавшейся беременной Соне Мнацаканян.
-
New2024-04-26 19:48В Армении прошел первый за долгое время армяно-кипрский бизнес-форум, в рамках которого в Ереван прибыли менеджеры 15 компаний разных отраслей.
-
New2024-04-26 19:45Следственный комитет Армении объявил в розыск двух граждан Республики Армения В.М. и С.Дж. по обвинению в госизмене, шпионаже и вражеской деятельности против Армении.
-
New2024-04-26 19:42Школьники из Армении вернулись с тремя медалями с 58-й международной Менделеевской олимпиады по химии. Об этом сообщает пресс-служба министерства образования, науки, культуры и спорта Армении.
