2020-12-15 15:07
Информагентства
ԵՐԱՆՈՒՀԻ ՄԵԼԻՔՅԱՆԸ MISS EARTH ԳԵՂԵՑԿՈՒԹՅԱՆ ՄՐՑՈՒՅԹՈՒՄ ԱՐԺԱՆԱՑԵԼ Է ՄՐՑԱՆԱԿԻ
Մասնագիտական և շարունակական կրթության կենտրոնի ընտանեկան ստոմատոլոգիա մասնագիտությամբ երկրորդ տարվա կլինիկական օրդինատոր Երանուհի Մելիքյանը Հայաստանը ներկայացրել է Miss Earth «Միսս Երկիր 2020» գեղեցկության միջազգային մրցույթում։ Այս մասին հաղորդում է ԵՊԲՀ-ի կայքում:
«Աշխարհում կա ավելի քան 70 հազար գեղեցկության մրցույթ. դրանցից լավագույն 4-ը՝ Miss World-ը, Miss Universe-ը, Miss International-ն ու Miss Earth-ն են։ Ինձ համար մեծ պատիվ էր Հայաստանի ներկայացուցիչը լինել նման հեղինակավոր միջազգային մրցույթում։ Այս տարի աշխարհի բոլոր գեղեցկության մրցույթները չեղարկվել էին Covid-19 համավարակի պատճառով: Միայն Miss Earth-ը փորձեց այլընտրանքային լուծում գտնել՝ պատմության մեջ առաջին անգամ մրցույթն անցկացնելով օնլայն տարբերակով։ Պայմանագիրը կնքվել է և մրցույթը մեկնարկել է սեպտեմբերի սկզբին՝ մինչ Արցախի դեմ ադրբեջանաթուրքական լայնածավալ պատերազմը»,- մանրամասնել է Երանուհի Մելիքյանը:
Նրա խոսքով, մրցույթի եզրափակիչը կայացել է նոյեմբերի 29-ին։ Չնայած պատերազմական իրավիճակում և՛ հոգեպես, և՛ ֆիզիկապես դժվար էր, բայց սովորողին հաջողվում է պատվով ներկայանալ, բարձրաձայնել մեր երկրի պատերազմական իրավիճակի մասին, ծանոթացնել մեր տեսակին և մշակույթին։
Հայաստանի ներկայացուցիչը ազգային տարազի փուլում արժանանում է բրոնզե մեդալի:
«Արդյունքը եղավ ազգային տարազի փուլում բրոնզե մեդալը։ Նրանք մեկնաբանեցին, որ Հայաստանի ներկայացուցիչը կարծես արտահայտեր իր ազգի սրտի տրոփյունը և որ նա շատ համահունչ էր իր ազգային հագուստի հետ։ Տարազը ընտրել էինք «Տերյան» մշակութային կենտրոնի տնօրեն Լիլիթ Մելիքյանի հետ: Ես շատ շնորհակալ եմ նրան, քանի որ այդ դժվար պահին մեզ տրամադրեցին Արցախի լավագույն տարազներից մեկը»,- պատմել է ԵՊԲՀ սովորողը:
Նշվում է նաև, որ Երանուհու եղբայրը կամավորների շարքում էր և գտնվում էր առաջնագծում պատերազմի օրերին։
«Ապրում էինք ամեն օրվա զանգով։ Դա կհասկանան նրանք, ովքեր պատերազմի դաշտում հարազատ ունեին: Հասկացա, որ եթե նա մարտընչում է այնտեղ, մենք պարտավոր ենք պայքարել այստեղ: Սկսեցինք այդ հարթակը օգտագործել մեր երկրում տիրող իրավիճակի մասին մյուս մասնակից 89 երկրին տեղեկացնելու համար։ Բոլոր ուղիղ եթերների ընթացքում իմ գլխավերևում երևում էին Հայաստանի և Արցախի դրոշները։ Ես հաճախ էի խոսում պատերազմական իրավիճակի մասին: Եվ դա տվեց որոշակի արդյունք։ Նրանք սկսեցին արդեն իրենք հետաքրքրվել ներկա իրավիճակով»,- հավելել է կլինիկական օրդինատորը:
Նորաձևության բնագավառում Մելիքյանն իր քայլերը սկսել է 13 տարեկանից: Նշում է, որ սիրով է համատեղում երկու մասնագիտությունները:
ПОСЛЕДНИЕ ОТ АВТОРА
-
2025-06-02 21:132 июня в Первопрестольном Святом Эчмиадзине под председательством Католикоса всех армян Гарегина II состоялось заседание Высшего духовного совета, в котором приняли участие епископы и руководители епархий из Армении и диаспоры. Как сообщили Новости Армении – NEWS.am в пресс-службе Первопрестольного Святого Эчмиадзина, на заседании обсуждались вопросы, связанные с вызовами, стоящими перед родиной, церковно-государственными отношениями, а также ряд ключевых вопросов, волнующих общество. Особое внимание было уделено позорной антицерковной кампании, развязанной премьер-министром в последние дни. В связи с этим Высший духовный совет выступил с заявлением, в котором отмечается:
-
2025-06-02 19:452 июня прошел второй раунд переговоров, сосредоточенный на трех ключевых темах: меморандуме, обмене пленными и телами погибших, а также вопросе с детьми.
-
2025-06-02 19:42Пострадавшие от мошенничества в банках и кредитных организациях граждане потребовали от Национального собрания отставки главы Центробанка Армении Мартина Галстяна.
-
2025-06-02 19:38Правозащитник Ваган Ованнисян представил в Следственный комитет сообщение о преступлении, совершённом бывшим членом партии «Гражданский договор», актером Гнелом Саргсяном, касающемся случая хулиганства у монастырского комплекса в селе Мармашен Ширакской области.