2020-12-16 21:18
Информагентства
Արայիկ Հարությունյանը խմբագրվել է իր ուղերձը
Արցախի նախագահ Արայիկ Հարությունյանը պատրաստ է հրաժարական տալ առաջին իսկ հնարավորության դեպքում ու դուրս գալ քաղաքականությունից։ Նրա ուղերձում շտկումներ են կատարվել, տեղեկացնում է Sputnik Armenia-ն։
Ուղերձի առաջին տարբերակում նշված էր.
«Գիտակցելով պատերազմի հետևանքով առաջացած հանրային ու քաղաքական որոշակի տրամադրությունները Հանրապետության նախագահի պաշտոնից իմ հրաժարականի անհրաժեշտության մասով՝ կուզեի նշել, որ պատրաստ եմ հրաժարական տալ առաջին իսկ հնարավորության դեպքում, երբ Հանրապետությունը ներքին ու արտաքին պայմանների ու սահմանադրական կարգավորումների առումով պատրաստ լինի պատշաճորեն ու արժանապատվորեն հաղթահարել նախագահական ու խորհրդարանական ընտրությունների ծանր դժվարությունները։
Շտկումներից հետո ուղերձի այդ հատվածը վերաշարադրվել է հետևյալ կերպ.
«Գիտակցելով պատերազմի հետևանքով առաջացած հանրային ու քաղաքական որոշակի տրամադրությունները Հանրապետության նախագահի պաշտոնից իմ հրաժարականի անհրաժեշտության մասով՝ կուզեի նշել, որ պատրաստ եմ հրաժարական տալ առաջին իսկ հնարավորության դեպքում, երբ Հանրապետությունը ներքին ու արտաքին պայմանների ու սահմանադրական կարգավորումների առումով պատրաստ լինի պատշաճորեն ու արժանապատվորեն հաղթահարել նախագահական ու խորհրդարանական ընտրությունների ծանր դժվարությունները: Առաջին իսկ հնարավորության պահին վայր եմ դնելու նախագահական լիազորություններս, և ողջամիտ ժամկետում Արցախում կազմակերպվելու են արտահերթ համապետական ընտրություններ, որի ժամանակ ես չեմ առաջադրվելու և դուրս եմ գալու քաղաքականությունից»։
Արցախյան պատերազմի մասնակից, հասարակական գործիչ Հարութ Մնացականյանը Facebook-ի իր էջում գրել է, որ նոյեմբերի 25-ից ԱՀ-ում երկար տարիներ ակտիվ հասարակական գործունեություն ծավալող և Արցախի ներկայով ու ապագայով հետաքրքրված մի խումբ անձանցով սկսել են «Սա մեր վերջին խրամատն է» խորագիրը կրող պայքարը, որի շրջանակում հանրության լայն խմբերի ներկայացուցիչների հետ երկարատև քննարկումների արդյունքում ձևավորվել ու Արայիկ Հարությունյանին է ներկայացվել հանրային պահանջ, ըստ որի` Արցախի նախագահը պետք է ուղերձով դիմի ժողովրդին՝ արձանագրելով, որ մերօրյա Արցախի իշխանությունները հայտնի պատճառներով սպառել են հանրության վստահությունը և լեգիտիմ ու վստահելի քաղաքական իշխանություն ձևավորելու առաջին իսկ հնարավորության պահին ողջամիտ ժամկետում Արցախում կազմակերպվեն արտահերթ համապետական ընտրություններ:
Մնացականյանը նշել է, որ այս օրերի ընթացքում ԱՀ գործող նախագահի հետ տարբեր ֆորմատներով տեղի են ունեցել մի շարք հանդիպում-քննարկումներ, որոնց արդյունքում իրենց առաջադրած պահանջները մնացել են անփոփոխ և անսակարկելի։
«Այսօր ԱՀ գործող նախագահ Արայիկ Հարությունյանը հանդես եկավ խոստացված ուղերձով, որում «դիվանագիտորեն» փորձ արվեց շրջանցել հանրային տրամադրություններն ամբողջացնող հիմնական պահանջը՝ ողջամիտ ժամկետում արտահերթ ընտրությունների կազմակերպումը և քաղաքականությունից հեռանալու մասին հայտարարությունը։ Մենք անմիջապես արձագանքեցինք հիշյալ «դիվանագիտական հնարքին», որից հետո րոպեներ անց ուղերձի տեքստը ուղղվեց»,– գրել է նա։
Մնացականյանի շեշտել է` իրենց պայքարն այսքանով չի ավարտվում, և հետևողական են լինելու ուղերձում նշված բոլոր կետերի անշեղ իրացմանը։
ПОСЛЕДНИЕ ОТ АВТОРА
-
New2025-07-16 16:05Вышла в свет книга политолога Карена Бекаряна «Маятник-2», которая является логическим продолжением книги «Маятник», изданной в 2022 году в серии «Айацк».
-
New2025-07-16 16:02Вероятность выхода из ОДКБ выше, чем вероятность разморозки нашего членства в Организации. Об этом на пресс-конференции 16 июля заявил премьер-министр Армении Никол Пашинян.
-
New2025-07-16 16:00Ряд ведущих и старших аналитиков по России и Украине из Бюро разведки и исследований госдепартамента (INR), был уволен на прошлой неделе, сообщает газета The New York Times. Уволенные специалисты не были шпионами, но анализировали мировые события, помогая американской дипломатии.
-
New2025-07-16 16:00Управление ЗАО "Электрические сети Армении" может быть передано в управление иностранному государству, точнее международной компании из дружественной страны, сказал в ходе пресс-конференции премьер-министр Никол Пашинян.