2020-12-17 18:53
Зара ГEВОРКЯН
0
ԷԼԻՏԱՐ ԲՈՒՆՏ. ՈՒՐԵՄՆ ԱՄԵՆ ԻՆՉ ԱՆՀՈՒՍԱԼԻ ՉԷ՞, ԵԹԵ ՄԵՆՔ ԱՅՍՔԱՆ ԷԼԻՏԱ ՈՒՆԵՆՔ
Էլիտա. դե ֆակտո հենց այդպես բնութագրեց Նիկոլ Փաշինյանը տասնյակ հազարավոր մարդկանց, որոնք արդեն որերորդ օրն է ցույցերի են ելնում ողջ երկրում՝ իր հրաժարականի պահանջով։
«Ո՞ՒՄ ՊԵՏՔ Է ՆԵՐԿԱՅԱՑՆԻ ԱՅՍ ԻՇԽԱՆՈՒԹՅՈՒՆԸ։ Մենք աշխատանքային մակարդակում քննարկումներում իմ հրաժարականի պահանջը ձևակերպում ենք «էլիտար բունտ», որի իրական նպատակը իշխանությունը ժողովրդից խլելն է»,- հայտարարեց Փաշինյանը «Ազատություն» ռադիոկայանին տված հարցազրույցում՝ մեկնաբանելով ՀՀ նախագահ Արմեն Սարգսյանի և Ամենայն Հայոց Կաթողիկոս Գարեգին Երկրորդի կողմից վարչապետին հղված հրաժարականի կոչերը, հաղորդում է News.am-ը։
Եվ այնուհետ. «Հարցն այն է՝ ժողովո՞ւրդն է ձևավորում իշխանություն, թե՞ ինչ-որ մարդիկ փակ սենյակներում, փակ քննարկումների ու պայմանավորվածությունների արդյունքում։ Սրանում է ամբողջ պրոբլեմը։ Ես արդեն ասացի, որ ինձ ժողովուրդն այդ կարգավիճակը տվել է ի պահ, դուք ասում եք, որ կան մարդիկ, խմբեր, որ պահանջում են իմ հրաժարականը, բայց կան մարդիկ, որոնք ինձնից պահանջում են հրաժարական չտալ…»։
«Ժողովո՞ւրդն է ձևավորում իշխանություն, թե՞ ինչ-որ մարդիկ փակ սենյակներում, փակ քննարկումների ու պայմանավորվածությունների արդյունքում…»,- հարցնում է վարչապետը, որն արդեն այն աստիճան է կտրվել իրականությունից, որ համառորեն չի տեսնում, թե ինչպես է գործնականում ողջ երկիրը պահանջում իր անհապաղ հեռացումը։ Եվ իր կառավարության հրաժարականը, որը տապալեց հնարավոր ու անհնար ամեն ինչ, գցեց Հայաստանը գոյաբանական խորագույն ճգնաժամի մեջ, որի հետևանքները նոր ղեկավարությունն ու ժողովուրդը ստիպված են լինելու հաղթահարել բնավ ոչ մեկ տարի, ոչ էլ մեկ տասնամյակ։ Փաշինյանի համար, որը հիմնական հաշվարկը միշտ կառուցել է ամբոխի վրա, այսօր երկրով մեկ ընթացող տասնյակ, հարյուր հազարավոր քաղաքացիների շարժումը «էլիտար բունտ» է։
Դե ինչ, ուրեմն ամեն ինչ այնքան էլ անհուսալի չէ, եթե մենք այսքան էլիտա ունենք։ Սթափվե՛ք, Նիկոլ Վովաևիչ. եթե դուք վախենում եք քիթը փողոց հանել, որպեսզի տեսնեք, թե իրականում ինչ տեսք ունեն հայ ժողովուրդն ու նրանք, ում դուք բացասական ենթատեքստով ու քամահրալից անվանում եք «էլիտա», ապա գոնե դիտեք ամենօրյա բազմահազարանոց երթերի կադրերը։ Եվ կարդացեք մեկնաբանությունները ձեր ֆեյսբուքյան ստատուսների տակ, որտեղ հօգուտ ձեզ տքնում են հիմնականում միայն ֆեյքերը, որոնք լռվել մնացել են 2018 թվականի ապրիլյան օրերում՝ իրենց տխմար «դուխով, մեր սիրելին վարչապետ» կարգախոսներով, նույնիսկ չբարեհաճելով ձևափոխել դրանք՝ այսօրվա իրավիճակին համապատասխան։
Այսօր նրանք, ովքեր փողոց են դուրս գալիս, հենց ժողովուրդն է, որն, ավա՜ղ, սխալ գործեց 2,7 տարի առաջ, երբ տրվելով մանիպուլյացիաներին, շանտաժին, ստին կամ պարզապես ցանկանալով բարեփոփոխումներ, իշխանության բերեց ձեզ ու ձեր տհասների հրոսակախմբին։ Այսօր, ճիշտ է, չափազանց թանկ գնով, բայց նա ընդունել է իր սխալն ու պատրաստ է շտկել այն։ Դրանով իսկ ապացուցելով, որ իսկապես էլի՛տա է։
Իսկ այ ամբոխը, հենց այն, որը 2018-ի ապրիլին ըմբոշխնումով սգո ժապավեններ էր կախում կենդանի մարդկանց վրա, անպարկեշտ, անարգալից խոսքեր գոռում կին պատգամավորների պատուհանների տակ, ուրախությունից ճղավում, երբ դուք խարանում ու նվաստացնում էին Արցախյան ազատամարտի հերոսներին, և ձեր դեմագոգիայի գագաթնակետին իրեն երևակայել էր Ագորա. դա է այսօր ձեր սակավաթիվ ընտրազանգվածը, որից վաղուց արդեն ինքնաբացառվել է մեծաքանակ էլիտան։ Ձեր նեցուկն այսօր ստախոսներն են, որոնք բուտաֆորական զինվորական համազգեստ հագած՝ փորձում են տեսախցիկների առաջ հանդես գալ ի պաշտպանություն ձեզ, բայց չկարողանալով սերտել տեքստը՝ խճճվում են իրենց «ռազմաճակատային սխրանքների» աշխարհագրության մեջ, և նրանք, ովքեր հրճվում են, երբ դուք, ուղիղ եթեր դուրս գալով, կոչ եք անում ձեր կողմնակիցներին «պատրաստվել վրեժի», այսինքն, ըստ էության՝ քաղաքացիական պատերազմի կոչ անում։ Ամբոխը մնում է ամբոխ, նրան ոչնչով խելքի չես բերի։ Իհարկե, կան նաև սակավաթիվ մարդիկ, որոնք առ այսօր անկախ ամենից սրբորեն հավատում են «իրենց սրտի վարչապետին». Դրանց նմանների մասին ժամանակին դիպուկ է արտահայտվել Էդգար Ալան Պոն. «Տգիտությունը երջանկություն է, բայց երջանկության լիակատարության համար դա պետք է այնքան խորը լինի, որ չկռահի իր գոյության մասին»: Նրանց աչքերը կբացվեն ամենից վերջում, եթե ընդհանրապես երբևէ բացվեն։ Ահա և, ըստ էության, ձեր ողջ ռեսուրսը, Նիկոլ Վովաևիչ։
Իսկ էլիտան՝ հայ ժողովուրդը, այսօր փողոցներում պահանջում է ձեր անհապաղ հրաժարականը։ Եվ այն ամենի միջև, ինչ տեղի ունեցավ 2018 թվականի ապրիլին (ոչ թե ձեզ ընդունելու, այլ անցյալը ժխտելու ալիքի վրա), և ինչ տեղի է ունենում այսօր (ոչ թե ձեզ ժխտելու, այլ երկրի ու պետականության ապագան ընդունելու, հաստատելու ալիքի վրա), մեծ տարբերություն կա։ Եթե չեք տեսնում դա, ապա կույր եք։ Կամ էլ կույր եք ձևանում։
Հեռացե՛ք վերջապես, Նիկոլ Փաշինյան, և տարեք ձեզ հետ ձեր բոլոր «մեծ բարեփոխիչներին», որոնք անդունդի հասցրեցին ձեզ վստահված պետությունը։ Հեռացե՛ք, որպեսզի երկիրը հնարավորություն ստանա շնչելու։
ПОСЛЕДНИЕ ОТ АВТОРА
-
2024-11-20 10:09Никол Пашинян, отправившись в Ватикан с семьей, встретился с Папой Римским. «В рамках визита в Святой Престол состоялась моя отдельная беседа с Папой Римским Франциском, - написал Пашинян на своей странице в «Facebook». О чем они говорили? Судя по заявлению Пашиняна, о том, что он подтвердил полное содействие Святому престолу в вопросе поддержания мира на мировых площадках, речь шла все о том же припеве под названием «перекресток мира», который армянские власти не устают повторять, выдавая желаемое за действительное.
-
«ОБЩЕСТВО РАЗОЧАРОВАНО, ОНО РАЗОЧАРОВАНО И В СЕБЕ САМОМ, ПОТОМУ ЧТО МНОГИЕ ГОЛОСОВАЛИ ЗА ЭТУ ВЛАСТЬ»2024-11-16 09:42«Как правило, бывает два исхода - либо бунт, взрыв, революция, Спартаки выходят, поднимают народ, либо тихое угнетенное самоуничтожение и, в конечном итоге, самоликвидация», - говорит в интервью «ГА» социолог, академик НАН РА Геворг ПОГОСЯН.
-
2024-11-12 10:11Учитывая жесткое противостояние между Западом и Россией, очевидно, что после прошедших в США выборов и победы Дональда Трампа, вопрос, состоится ли диалог между новоизбранным американским президентом и президентом России, и к чему он приведет, волнует многие правительства и общества. Да, общества тоже: когда мир буквально оказывается на пороге ядерной войны, геополитика становится темой, касающихся всех и каждого.
-
2024-11-12 10:09«На Западе это уже давно работает - частные организации в сговоре с властями изымают детей из семей, получая за это деньги», - говорит в интервью «ГА» руководитель информационно-аналитического центра «Луйс» Айк АЙВАЗЯН.