2020-12-19 14:14
Информагентства
Դավիթ ՇԱՀՆԱԶԱՐՅԱՆ. ՓԱՇԻՆՅԱՆԸ ԴԵՌ ՏԱՐԱԾՔՆԵՐ ՊԵՏՔ Է ՀԱՆՁՆԻ ՀՅՈՒՍԻՍՈՒՄ, ՎԱՅՔՈՒՄ, ԱՐԱՐԱՏՈՒՄ ԵՎ ՍՅՈՒՆԻՔՈՒՄ (ՏԵՍԱՆՅՈՒԹ)
Դավաճանական երթը չպիտի մտնի Եռաբլուր: Այս մասին այսօր` դեկտեմբերի 19-ին, Եռաբլուրում լրագրողների հետ զրույցում ասաց Արտակարգ և լիազոր դեսպան, ԱԱԾ նախկին ղեկավար Դավիթ Շահնազարյանը։
«Դավաճանական երթը չպիտի մտնի Եռաբլուր, որովհետև բոլոր նրանք, ովքեր այսօր կմասնակցեն Փաշինյանի երթին, նրանք իրենց վրա կվերցնեն Փաշինյանի ու իր Կառավարության ողջ պատասխանատվությունը բոլոր արարքների համար, կապիտուլյացիան, Արցախի մեծ մասի հանձնում, ահռելի վտանգ Հայաստանին, այն ինչ հիմա տեղի է ունենում Սյունիքում և իրենց վրա կվերցնեն 2.5 տարի ամեն օր արված պետական դավաճանությունը և կկիսեն այդ մեղքերը»,-ասաց նա:
Շահնազարյանի խոսքով` իշխանությունը մոբիլիզացրել է ողջ վարչական ռեսուրսները. «Ոստիկանության պետերը հրահանգ են ստացել իրենց մոտ հաշվառված անձանց` թմրամոլներ, քրեական տարրեր, բոլորին ընդգրկել այս երթին, բոլոր պետական հիմնարկները, ատոմակայանը, այսինքն` վերջին ռեսուրսներն է Փաշինյանը նետում` փորձելով ցույց տալ, թե իբր տեսեք` մենք աջակցող ունենք: Ես բոլորին կոչ եմ անում հրաժարվել, չմասնակցել այդ երթին, դա դավաճանների երթ է, մերժեք պետական դավաճանների երթը: ԱԱԾ-ն և ոստիկանությունը հրահանգ է ստացել նաև ներգրավվել այդ երթին գործակալական ցանցին: Սա արդեն հանցագործություն է, դավաճանների երթը մուտք չի գործելու Եռաբլուր»:
Շահնազարյանը կարծում է, որ հնարավոր է թույլ չտալ Փաշինյանի մուտքը Եռաբլուր, և եթե վարչապետը բախումներ հրահրի, կստանա արժանի պատասխան:
«Վտանգված է ողջ Հայաստանը, միայն Սյունիքը չէ, Փաշինյանը կառչած է իշխանությունից, որովհետև դեռ քայլեր ունի անելու, նա պետք է զորքերը հետ քաշի, առնվազն 7-8 գյուղ հյուսիսում հանձնի Ադրբեջանին, Վայքում հանձնի, Արարատի մարզում հանձնի և իհարկե Սյունիքում և իհարկե քիչ առաջ իր ասած հերթական դավաճանությունը, որ տարածքներ տալով մենք ավելի անվտանգ ենք լինում, բացի դրանից նա պատրաստվում է սահմանազատման պայմանագիրը կնքել Ադրբեջանի հետ, ինչու չէ նաև հաստատել դիվանագիտական հարաբերություններ, նա պատրաստվում է Սյունիքում մի քանի ճանապարհներ այդ թվում գազամուղներ Ադրբեջանից Թուրքիա թույլատրել, որ կառուցվի որոնք Հայաստանի վերահսկողության տակ բացարձակապես չեն լինելու և բացի դրանից նա նաև նպատակ ունի մոտ ապագայում դիվանագիտական հարաբերություններ հաստատի Թուրքիայի հետ, այսինքն ամբողջովին փոխում է Հայաստանը: Մենք ունենք ծվատված և ամբողջովին թուլացած պետություն, Արցախի մասին չեմ ասում, նպատակաուղղված թուլացվում է բանակը:Այսօր Փաշինյանը բացարձակապես լեգիտիմ չէ, իր լեգիտիմությունից ոչինչ չի մնացել և ընդամանեը կառչած է իր նման դավաճաններից, այսօր նրա հեռանալը հանրային պահանջ է»,-ասաց նա:
ПОСЛЕДНИЕ ОТ АВТОРА
-
New2025-07-28 17:05В Следственном комитете Армении завершено предварительное следствие по уголовному делу в отношении главы Шитракской епархии Армянской Апостольской церкви (ААЦ) Микаэла Аджапахяна.
-
New2025-07-28 17:04«Два человека позволили себе человеческую подлость», – заявил российский журналист и телеведущий Владимир Соловьев в ходе прямого эфира программы «Вечер с Владимиром Соловьевым» на телеканале «Россия 1», комментируя визит бывшего заместителя гендиректора ТАСС Михаила Гусмана и политолога Сергея Маркова в оккупированный Баку арцахский Шуши.
-
New2025-07-28 17:02Если я увижу, что нет подходящего кандидата в премьер-министры Армении, и народ доверится мне и потребует взять управление страной, то я готов служить своей стране, я могу это сделать. Об этом на встрече с журналистами по случаю 100 дней нахождения в должности 28 июля заявил мэр Гюмри Вардан Гукасян.
-
New2025-07-28 17:00Выступление американского певца Джастина Тимберлейка в столице Азербайджана вызвало резонанс среди представителей армянской Диаспоры США, сообщил Армянский национальный комитет Америки (ANCA).