2020-12-19 17:01
Информагентства
Վազգեն Մանուկյան․ Հայաստանը կարող է վերանալ աշխարհի քարտեզից
Այսօր տխուր օր է, չկան ուրախ աչքերը, մենք այսօր հավաքվել ենք, որ հիշատակենք այն հերոսներին, որոնք նահատակվեցին պաշտպանելով մեր հայրենիքն ու պատիվը: Այս մասին, այսօր՝ դեկտեմբերի 19-ին, Ազատություն հրապարակում ընդդիմության հանրահավաքում նշեց «Հայրենիքի փրկության շարժման» վարչապետի թեկնծու Վազգեն Մանուկյանը, տեղեկացնում է News.am-ը:
«Առաջին պատերազմի զոհվածների ու մասնակիցներից շտերի հետ ես մոտիկ էի, ծանոթ էի, մենք իրար հետ մտքերով կիսվում էինք խարույկների մոտ, ռազմաճակատում, փողոցներում: և իրենք երազանք ունեին, որ կառուցվի ազատ, անկախ, հզոր, ազդեցիկ երկիր՝ Հայաստան Արցախի հետ միասին, որտեղ կյանքը կլինի արդար, որտեղ կլինի բարեկեցիկ, բայց բարեկեցիկ ոչ թե ընտրյալների համար, այլ ամբողջ ժողովրդի:
Նույն մտքերով էին տոգորված նաև այն տղաները, որոնք գնացին այս պատերազմ և զոհվեցին: Այն զինվորները, սպաները, կամավորները, որոնք առաջին կոչով գնացին պատերազմ ու զոհվեցին այս տարօրինակ պատերազմում: Ես անվանում եմ տարօրինակ, բայց շատերը արդարացի անվանում են ծախված պատերազմ»,-հայտարարեց Վազգեն Մանուկյանը:
Նա համոզմունք հայտնեց, որ այս պատերազմը կարող էր չլինել. «Կամ մեծ տգիտություն, կամ մեծ դավաճանություն էր պետք բոլոր բանակցությունները տապալելու, բոլոր դաշնակիցներին կորցնելու, դիմացցինին գրգռելու համար: Պատերազմը որ սկսվեց, մենք կարող էինք հաղթել, չնայած մինչև պատերազմը պետք էր անել այն աշխատանքները, որոնք անհրաժեշտ էին և չարվեցին: Երբեմն ասում են՝ 2,5 տարին քիչ էր: 1990-ին մենք 2,5 տարում մենք զրոյից սարքեցինք բանակ և խայտառակ պարտության մատնեցինք Ադրբեջանին: Ծայրահեղ դեպքում կարող էինք շուտ կնքել այդ պայմանագիրը, շուտ ավրտել պատերազմը և կունենայինք քիչ կորուստներ: Մենք ինչ վիճակում հայտնվեցինք՝ անտերություն, անիշխանություն, պատերազմը չկա, բայց մենք շարունակում ենք տալ և տալ: Եթե այսպես շարունակվի, Հայաստանը կամ աշխարհի քարտեզից կվերանա, կամ կդառնա այնպիսի մի խղճուկ կբան, որին ոչ մեկն ուշադրություն չի դարձնի: Այդպիսի պետությունը չի կարողանա նաև իր ժողովրդի բարեկեցությունն ապահովել: Մենք հիմա գլորվում ենք այդ ճանապարհով»,-հայտարարեց Վազգեն Մանուկյանը՝ հավելելով, որ Նիկոլ Փաշինյանը Հայաստանն ընդմիշտ հանում է քաղաքական քարտեզից:
ПОСЛЕДНИЕ ОТ АВТОРА
-
New2025-06-04 17:52В Турции и Азербайджане на разных уровнях продолжают озвучивать все новые требования к Армении.
-
New2025-06-04 17:51В отношении бывшего председателя комитета военной промышленности Армении возбуждено уголовное дело по обвинению в растрате.
-
New2025-06-04 16:35Международный комитет Красного Креста (МККК) в последний раз посещал удерживаемых в Баку армянских пленных в марте 2025 года. Об этом сообщила в беседе с "ФактИнфо" руководитель коммуникационных программ делегации МККК в Армении Зара Аматуни,
-
New2025-06-04 16:34Десять сотрудников МВД были уволены за употребление наркотиков. Об этом заявила на совместном заседании парламентских комиссий при представлении отчета об исполнении бюджета за 2024 год министр внунтренних дел Армении Арпине Саркисян.