2020-12-21 09:52
Информагентства
Վաղարշակ Հարությունյանի պնդմամբ՝ Սյունիքում անվտանգային լուրջ խնդիրներ չկան (ՏԵՍԱՆՅՈՒԹ)
Ինքնիշխանության կորուստն այն ժամանակ է լինում, երբ անվտանգությունն ապահովված չէ։ Մենք, 1992թ․-ին, երբ ԽՍՀՄ փլուզվել է, ձեռք ենք բերել համաձայնություններ՝ ՀԱՊԿ-ի անդամակցության, սահմանների համատեղ ապահովման, հայ-ռուսական միավորված զորախումբի, ռազմաբազայի տեսքով, բազմաթիվ այլ փաստաթղթեր․ այս բոլորը միտված են անվտանգության ամրապնդմանը։ Այս մասին «Զինուժ մեդիա»-ի եթերում ասել է ՀՀ Պաշտպանության նախարար Վաղարշակ Հարությունյանը, տեղեկացնում է ArmeniaToday.news-ը։
Ըստ նրա՝ հարցադրումը, թե ռուսական զորքերի ներգրավումը մեր սահմանների անվտանգությանն ինքնիշխանության կորուստ է, ճիշտ չի դրվում, քանի որ իրականում անվտանգությունն է ապահովում ինքնիշխանությունը։
«Սյունիքում դիրքավորման գործընթաց է գնում՝ Գորիս-Դավիթ Բեկ և Կապանի ճակատի հատվածում։ ՌԴ-ի և Ադրբեջանի հետ համաձայնությունների ձեռքբերման շնորհիվ այդ հատվածում անվտանգությունն ապահովված է։ Գորիս-Դավիթ Բեկ հատվածում վերահսկողություն են իրականցնում ՌԴ սահմանապահ զորքերը, մեր սահմանապահ զորքերը կանգնում են մեր տարածքում, վիզուալ հսկում են այդ ճանապարհը՝ ապահովելով երկրորդ շերտի անվտանգությունը,սահմանապահ զորքերի հետևում կանգնած է բանակը։ Պայմանավորվածություն է ձեռքբերվել որևէ այլ զորքեր չտեղակայել սահմանապահների ու ճանապարհի միջև։ Նույնը վերաբերում է Ադրբեջանին»։
Ըստ Հարությունյանի սա բերում է նրան, որ այդ ճանապարհի անվտանգությունն ապահովված է։ «Ռուսաստանը մեր և ադրբեջանցի սահմանապահների հետ որոշում է, թե ինչ հեռավորության վրա պետք է լինեն զորքերը ճանապարհից։ ՌԴ-ն Գորիսի և Դավիթ Բեկի հատվածներում ունենում է անցակետ, որի միջով պետք է իրականացվեն բոլոր շարժերը Նույնն իրականացվում է Կապանի ճանապարհահատվածի վրա»։
Դիտարկմանը, թե համացանցում տեսանյութեր են տարածվում, որոնք հասարակության մոտ խուճապ են ստեղծում, Հարությունյանը նշել է․ «Այն տեսանյութերը, որոնք տարածվում են, մտահոգությունների լուրջ առիթ չպետք է տան։ Պետք է ուշադիր լինել, եթե անհասկանալի դեպքեր են լինում, կապվել ԱԱԾ-ի ներկայացրած թեժ գծին, այդ ամեն ինչը ներկայացնել, որպեսզի անհրաժեշտ միջոցառումներ ձեռք առնվեն։ Խուճապ պետք չէ տարածել»։
ПОСЛЕДНИЕ ОТ АВТОРА
-
2025-07-16 19:49На сегодняшней пресс-конференции Никол Пашинян сравнил идею предоставления контроля над коридором, проходящим через суверенную территорию Армении, с передачей третьей стороне на аутсорсинг национальной инфраструктуры, такой как аэропорт, железные дороги или почтовые службы. Эта аналогия абсурдна, вводит в заблуждение и опасна. Об этом заявил экс-глава МИД Армении Вардан Осканян.
-
2025-07-16 19:41Всеармянский совет по сохранению Армянской Церкви решительно осуждает антицерковную, оскорбительную риторику, вновь продемонстрированную премьер-министром РА Николом Пашиняном на пресс-конференции 16 июля.
-
2025-07-16 19:38Представители Арцаха намерены бороться за здание представительства, которое прокуратура намерена отобрать. Об этом сообщил карабахский адвокат Роман Ерицян.
-
2025-07-16 19:37США обеспокоены столкновениями между этническими группами в Сирии, приведшими к военному вмешательству Израиля, и надеются на нормализацию ситуации, заявил госсекретарь Марко Рубио.