2020-12-21 19:21
Информагентства
Ծառայողական քննություն է սկսվել Արսեն Ավագյանի նկատմամբ, ով կոչ էր արել դուրս շպրտել քահանային եկեղեցուց
Քաղաքաշինության, տեխնիկական և հրդեհային անվտանգության տեսչական մարմնի ղեկավարը հանձնարարել է ծառայողական քննություն սկսել տեսչական մարմնի Սյունիքի մարզի տարածքային բաժնի աշխատակից Արսեն Ավագյանի նկատմամբ, տեղեկացնում է News.am-ը։
Ավելի վաղ Արսեն Ավագյանն այսօր ուղիղ եթերում կոչ էր արել գնալ Սիսիանի Սուրբ Գրիգոր Լուսավորիչ եկեղեցի ու դուրս շպրտել վարչապետ Նիկոլ Փաշինյանի ձեռքը օդում կախված թողած Տեր Հորը՝ Վարդան Զեյնալյանին։
«Լրատվականների հրապարկումներից հետո ենք տեղեկացել, որ Արսեն Ավագյանը, ով հանդիսանում է Քաղաքաշինության, տեխնիկական և հրդեհային անվտանգության տեսչական մարմնի Սյունիքի մարզի տարածքային բաժնի քաղաքաշինական գործունեության վերահսկողության առաջին կարգի մասնագետ, մասնակցություն է ունեցել միջադեպին։ Տեսչական մարմնի ղեկավարն անմիջապես հանձնարարել է ծառայողական քննություն սկսել՝ աշխատավայրից բացակայելու հիմքով»,- NEWS․am-ի հետ զրույցում ասաց Քաղաքաշինության, տեխնիկական և հրդեհային անվտանգության տեսչական մարմնի իրազեկման բաժնի պատասխանատու Ելենա Զոհրաբյանը։
Նա հավելեց, որ ծառայողական քննությունը տևում է 30 օրացույցային օր, սակայն եթե այլ հանգամանքներ ի հայտ գան, ապա այն կարող է կրկին 30 օրով հետաձգվել, իսկ դրանից հետո՝ 15 օրով, որից հետո պետք է արդեն որոշում կայացվի։ Արսեն Ավագյանը մինչ ծառայողական քննության ավարտը՝ կշարունակի իր աշխատանքը կատարել։
ПОСЛЕДНИЕ ОТ АВТОРА
-
New2025-04-19 13:05Вступление в Союзное государство не означает нарушение независимости Армении.
-
New2025-04-19 13:03Депутат фракции «Честь имею» Национального Собрания Тигран Абрамян пишет:
-
New2025-04-19 13:03Избранный мэр Гюмри Вардан Гукасян официально вступил в должность. Церемония принесения присяги состоялась в субботу во втором городе Армении.
-
New2025-04-19 11:14Представитель армянской общины Вараздат Миносян назначен вице-премьером Абхазии. Соответствующий указ подписал президент Абхазии Бадра Гунба.