2020-12-26 11:42
Информагентства
ՌԴ ԱԻՆ-ը Ղարաբաղ տեղափոխված մարդասիրական օգնությունը հասցրել է հասցեատերերին
Ռուսաստանից Լեռնային Ղարաբաղ հասցված ամբողջ մարդասիրական օգնությունը բաշխվել է նախատեսված կետերով: Այս մասին շաբաթ օրը ՏԱՍՍ-ին հայտնել են ՌԴ Արտակարգ իրավիճակների նախարարության մամուլի ծառայությունից:
«Երկաթուղով ժամանած մարդասիրական օգնությունն ամբողջությամբ բաշխվել է Լեռնային Ղարաբաղի մարզերով: Բեռը ՌԴ ԱԻՆ համահավաք խմբի մասնագետների կողմից հասցվել է հանձնման կետեր և արդեն ակտիվորեն օգտագործվում է սոցիալական նշանակության օբյեկտների և բնակելի շենքերի վերականգնման գործում»,- հայտնել են մամուլի ծառայությունից:
Մարդասիրական օգնության վերջին խմբաքանակը հասցվել է Մարտունի և Մարդակերտ թաղամասեր` դա 5 հազար քառակուսի մետր ապակի է և գրեթե 70 տոննա մետաղական պրոֆիլ:
Մարդասիրական առաքելության շրջանակներում Լեռնային Ղարաբաղ է տեղափոխվել ընդհանուր 20 շարժական էլեկտրակայան, վեց ՈւԱԶ ավտոմեքենա, ութ հակահրդեհային ավտոցիստեռն և մեկ վերամբարձ կռունկ: Վերանորոգման աշխատանքների համար` ավելի քան 22 հազար քառակուսի մետր ապակի, մոտ հազար խորանարդ մետր սղոցանյութ, թայտաթեփային սալեր և նրբատախտակ, ինչպես նաև 13 հազար քառակուսի մետր տանիքի ծալքաթիթեղ: Առաջին անհրաժեշտության իրերից առաքվել է ավելի քան 34.6 հազար ծածկոց, 1.8 հազար ներքնակ, 1.9 հազար բարձ, 3.2 հազար անկողնային հավաքածու, 940 կահույքի հավաքածու, 4 հազար մահճակալ, 500 վառարան, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-10 12:26Руководитель общины Арзни (Котайкская область) Феликс Мирзоев освобожден из-под стражи, сообщили Sputnik Армения в Следственном комитете РА.
-
New2025-06-10 12:25Тюрколог Варужан Гегамян заявил, что на фоне атак премьер-министра РА Никола Пашиняна на Армянскую Апостольскую Церковь в Нахичеване проводятся азербайджано-турецкие военные учения.
-
New2025-06-10 12:14Спустя 4 года уголовное дело профессора Армена Чарчяна наконец-то завершилось, и увенчалось успехом. Об этом на своей странице в Facebook написал адвокат Эрик Алексанян.
-
New2025-06-10 11:28Никол Пашинян начинает очередную сенсационную кампанию, на этот раз против Армянской апостольской церкви и Католикоса всех армян. Об этом пишет газета «Жоховурд», развивая тему.