2020-12-27 09:34
Информагентства
Արցախյան երկրորդ պատերազմի զինհաշմանդամները նոր տարում նոր պրոթեզներ կունենան
Հայրենիքի պաշտպանի վերականգնողական կենտրոնի տնօրեն Հայկուհի Մինասյանը Sputnik Արմենիայի եթերում նշել է, որ կենտրոնում արդեն հաջորդ տարվա սկզբին կգործի զինհաշմանդամների համար նախատեսված գերժամանակակից պրոթեզարանը, որն ապահովված կլինի բիոնիկ պրոթեզներով։
Արցախա-ադրբեջանական պատերազմում վերին կամ ստորին վերջույթները կորցրած զինհաշմանդամները 2021-ին կապահովվեն նոր, որակյալ ու բարձր ֆունկցիոնալություն ապահովող պրոթեզներով։
«Աջլիկները կարող են գրել, ծանրություն բարձրացնել, այսինքն` ֆունկցիոնալ ձեռքեր, որին սովորելն էլ ամիսներ կտևի, բայց այդ պրոցեսները նրանց կյանքի որակն ավելի բարձր կդարձնեն»,- Sputnik Արմենիայի հետ զրույցում ասաց նա։
Նրա խոսքով` մինչև պատերազմն էլ նախատեսում էին կենտրոնում պրոթեզարան հիմնել։ Գիտեին`ինչ, որքան ու որտեղից պետք է ձեռք բերել։ Սեպտեմբերին Ադրբեջանի սանձազերծած ռազմական գործողությունները ստիպեցին գործընթացն արագացնել։
«Նիդեռլանդների համահայկական հիմնադրամի աջակցությամբ տղաները կունենան ձեռքի բիոնիկ պրոթեզներ. ծրագիրը նախաձեռնել է ԱԺ «Իմ քայլը» խմբակցության պատգամավոր Նարեկ Մկրտչյանը, ոտքի մասով արդեն զբաղվում ենք մենք»,- նշեց կենտրոնի տնօրենը։
Նոր պրոթեզները 30-60000 եվրո, երբեմն ավելի թանկ արժեն, սակայն Մինասյանը հավաստիացնում է` հիմնական բյուջեն ունեն, առաջիկայում էլ մի նոր դրամահավաք կհայտարարեն, որ տղաներին ավելի որակյալ պրոթեզներով ապահովեն։
Իռլանդիայի և Գերմանիայի համապատասխան կառույցների հետ պայմանավորվածությունները ձեռք են բերվել. գերժամանակակից ու բարձր ֆունկցիոնալությամբ պրոթեզները Հայաստան կբերվեն 2021թ-ի հունվարի վերջին։ Մի փոքր էլ համբերություն, և տղաները կմոռանան, որ հայրենիքի համար մղվող ծանր մարտերում ձեռք կամ ոտք են կորցրել։
ПОСЛЕДНИЕ ОТ АВТОРА
-
New2025-06-09 19:53Заместитель председателя Республиканской партии Армении и политзаключённый Армен Ашотян заявил, что кампания премьер-министра Никола Пашиняна против Армянской Апостольской Церкви носит заказной характер и осуществляется «в тесной координации с Азербайджаном».
-
New2025-06-09 19:52Генпрокурор Анна Вардапетян направила в парламент ходатайство о возбуждении уголовного дела в отношении руководителя оппозиционной фракции «Армения» Сейрана Оганяна и секретаря той же фракции Арцвика Минасяна.
-
New2025-06-09 19:50Зампреду РПА Армену Ашотяну продлили домашний арест на 2 месяца.
-
New2025-06-09 19:49Министр территориального управления и инфраструктур Давид Худатян выразил надежду, что воздушная линия электропередачи между Арменией и Ираном будет запущена уже в 2026 году. Об этом он заявил во время отчета о выполнении бюджета за 2024 год.