Последние новости

ՌԴ և Թուրքիայի նախագահների անձնական փոխհարաբերությունները թույլ են տալիս գտնել ներդաշնակ լուծումներ

Ռուսաստանի և Թուրքիայի նախագահներ Վլադիմիր Պուտինի և Թայիփ Էրդողանի անձնական հարաբերություններն ու կառուցողական տրամադրվածությունը թույլ է տալիս գտնել վիճելի հարցերում ներդաշնակ լուծումներ, պատմել է Ռուսաստանի առաջնորդի մամուլի քարտուղար Դմիտրի Պեսկովը «Ռոսսիա 1» հեռուստաալիքի եթերում «Մոսկվա: Կրեմլ: Պուտին» հաղորդման եթերում:

«Բացի այդ, իհարկե, մենք ունենք երկկողմանի հարաբերությունների հսկայական հիմք: և երբ այդ շրջանակում երկու պետությունները ղեկավարում են առաջնորդները, որոնք այդպես են վերաբերվում միմյանք, որոնք միմյանց համարում են խոսքի և գործի մարդ, դա գրավականն է այն բանի, որ, եթե անգամ ծագում են տարաձայնություններ, եթե ծագում է շահերի բախում, ապա առաջնորդների կառուցողական տրամադրվածությունը թույլ կտա ներդաշնակ ելք գտնել այդ իրավիճակից»,-ասել է նա:

Պեսկովը հավելել է, որ Ռուսաստանն ու Թուրքիան խոշորագույն աշխարհաքաղաքական խաղացողներ են, որոնք կարող են և պետք է ունենան նշանակալի ներդրում տարածաշրջանում անվտանգության և կայունության գործում: «Ամեն դեպքում պետք է անել այնպես, որ պատերազմ չլինի»,-եզրափակել է նա:

Ավելի վաղ Պուտինն անվանել էր էրդողանին մարդ, որը կատարում է իր խոստումը՝ չնայած նրան, որ իրենց հայացքերը կարող են տարբերվել առանձին հարցերում: Իր հերթին Էրդողանը պատասխանել է Պուտինին նույնանման հայտարարությամբ և ասել, որ համարում է Ռուսաստանի նախագահին ազնիվ մարդ, հաղորդում է News.am-ը:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ