2021-01-03 18:12
Информагентства
Սյունիքի մարզպետը` Շուռնուխի տների մասին
Սյունիքի մարզի Շուռնուխ գյուղի, այսպես ասած, վիճելի համարվող 12 տներից 11-ը հանձնվում է Ադրբեջանին, 1-ը մնում է հայկական կողմում։ Տեղեկությունը Sputnik Արմենիայի հետ զրույցում հայտնեց Սյունիքի մարզպետ Մելիքսեթ Պողոսյանը։ Նրա խոսքով՝ բնակիչներին ժամանակ է տրված մինչև հունվարի 5-ը։
«Այսօր ցավով, տխուր ապրում ենք... Ամեն ինչ անում ենք մեր վերադասի` Մոսկվայի միջոցով։ Ռուսը պետք է ապացուցի՝ մերն է, թե իրենցը, ինչքան մեր ձեռքի տակ փաստաթուղթ է եղել, բերել ենք տվել, իրենց հետ բանակցություն է վարվում»,- նշեց Պողոսյանը։
Նրա խոսքով՝ Շուռնուխում ընդհանուր առմամբ 45 տուն կա, որոնցից 12-ը ճանապարհի ներքևում են, մնացածը՝ վերևի հատվածում։ 11 ընտանիքներից 9-ին արդեն տեղավորել են գյուղի ազատ տներում։ Հանձնվող տներից մեկը գյուղապետինն է։ Նա գյուղապետարանում է տեղավորվել։
Թե հետագայում ինչ կարվի նրանց տներով ապահովելու համար՝ մարզպետը նշեց, որ կանեն այնպես, ինչպես գյուղացիները կորոշեն։ Ինչ վերաբերում է գյուղի ներքևի հատվածում Հայաստանին մնացող միակ տանը, ապա եթե այդ տան բնակիչներն էլ որոշեն՝ չեն մնալու այդտեղ, իրենց ապահով չեն զգում, ապա նրանց էլ են տեղափոխելու։ Առաջնահերթ մարդկանց անվտանգությունն է. նշում է մարզպետը։
«Հետո կպլանավորենք, եթե բոլորի համար տուն պետք է կառուցենք... Մեր համար առաջին խնդիրն է, որ ժողովրդի կողքին կանգնենք` մարդ չհեռանա։ Գյուղի բարոյահոգեբանական վիճակը պահենք»,- նշեց մարզպետը։
Նրա խոսքով՝ այս պահին մարզում ամեն ինչ հանգիստ է։ Շեշտում է՝ իրենց համար ցավոտ հարցը 1974 թվականի խորհրդային քարտեզն է, որով Կապանից մինչև Գորիս տանող ճանապարհի 21 կիլոմետրանոց հատվածն անցնում է վիճարկելի տեղերով։
Շեշտում է՝ հարևան երկրում ուշադիր հետևում են մեր կողմից տարածվող տեղեկություններին, ուստի մարզպետը կոչ է անում չտրվել սադրանքներին, պահպանել գաղտնիության ռեժիմը։
ПОСЛЕДНИЕ ОТ АВТОРА
-
2025-05-30 19:47В соответствии с частью 1 статьи 166 Конституции Республики Армения правительство Республики Армения выдвинуло кандидатуру Артака Зейналяна на должность судьи Конституционного суда. Об этом говорится в заявлении Председателя Национального Собрания Республики Армения.
-
2025-05-30 19:46Форум децентрализованного сотрудничества Армения-Франция пройдет в Государственном драматическом театре имени Вагаршяна в Горисе 2-3 июня. Об этом Новости Армении – NEWS.am сообщили в пресс-службе МИД Армении.
-
2025-05-30 19:43В США арестовали 14 членов армянской мошеннической группировки, которая, по словам следователей, украла в общей сложности 47 миллионов долларов, предназначенных для помощи в рамках борьбы против COVID и представителям малого бизнеса.
-
2025-05-30 19:41Китай и Армения на взаимной основе поддерживают и уважают суверенитет и территориальную целостность друг друга. Пекин высоко ценит поддержку Ереваном принципа "одного Китая". Об этом заявил новый посол Китая в Армении Ли Синьвей на приеме в Ереване, организованном по случаю старта его дипломатической миссии.