2021-01-05 15:20
Информагентства
0
Զոհված զինծառայողների հարազատներն արդեն կարող են դիմել փոխհատուցման համար
2021 թ-ի հունվարի 1-ից հեշտացվել ու ժամանակային առումով կրճատվել է 2020 թվականի սեպտեմբերի 27-ին Ադրբեջանի սանձազերծած ռազմական գործողությունների ժամանակ զոհված կամ անհետ կորած զինծռայողների ընտանիքների փոխհատուցման կարգը:
Այսօրվանից՝ հունվարի 5-ից, տարածքային կառավարման և տեղական ինքնակառավարման մարմիններում վերսկսվելու է զոհված զինծառայողների ընտանիքների անդամներից դիմումների և անհրաժեշտ փաստաթղթերի ընդունման գործընթացը՝ Զինծառայողների ապահովագրության հիմնադրամի շահառու դառնալու համար: Տեղեկությունը հայտնում է Հայկական միասնական տեղեկատվական կենտրոնը` Facebook-ի իր էջում:
Հիշեցնենք՝ տարեվերջին ԱԺ-ն արտահերթ նիստում ընդունեց ՀՀ Քաղաքացիական օրենսգրքում լրացումներ և փոփոխություններ կատարելու մասին կառավարության ներկայացրած օրինագիծը:
Դրանով հունվարի 1-ից հեշտացվել ու ժամանակային առումով կրճատվել է 2020 թվականի սեպտեմբերի 27-ին Ադրբեջանի կողմից սանձազերծված ռազմական գործողությունների ժամանակ զոհված կամ անհետ կորած զինծառայողների ընտանիքների փոխհատուցման կարգը:
Նոր կարգավորումներով` անհետ կորած զինծառայողների հարազատները կկարողանան փոխհատուցում ստանալ մինչև դատարանով անհետ կորածի կարգավիճակի հաստատումը։
Այդ ժամկետը կրճատվել է մինչև 3 ամիս և հետադարձ ուժով տարածվելու է սեպտեմբերի 27-ից հետո ծագած հարաբերությունների վրա:
Նշենք, որ սահմանված աջակցությունը կազմում է 70-82 մլն` կախված զինծառայողի զինվորական կոչումից։ Այդ գումարից 10 մլն–ը տրամադրվում է նրա հարազատներին՝ միանվագ, մնացածը բաշխվում 10 տարվա մեջ` ըստ ամիսների։
ԱԺ նույն արտահերթ նիստում ընդունվել է նաև «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» Հայաստանի Հանրապետության օրենքում փոփոխությունների նախագիծը:
Դրանով 2021թ-ի հունվարից սկսած Զինծառայողների հիմնադրամին փոխանցվող ամսական 1000 դրամ դրոշմանիշային վճարներն ավելացել են՝ հասնելով մինչև 15 000 դրամի։
Նոր օրենքով մինչև 100 000 դրամ աշխատավարձ ստացողները հունվարի 1-ից սկսած կվճարել 1000 դրամ, 100-200 հազար դրամ ստացողները՝ 3000 դրամ, 200–ից 500 հազար ստացողները՝ 5500 դրամ, 500 000- 1 մլն դրամ ստացողները` 8500 դրամ, իսկ 1 մլն դրամը գերազանցող եկամուտ ունեցողների դրոշմանիշային վճարը կկազմի 15 000 դրամ։
Sputnik Արմենիա
ПОСЛЕДНИЕ ОТ АВТОРА
-
New2025-01-21 18:54Армянский правовой центр справедливости и прав человека совместно с Центром международного и сравнительного права задокументировали истории без вести пропавших в результате взрыва 25 сентября 2023 года на складе бензина в Беркадзоре на дороге Степанакерт-Аскеран и подготовил доклад, который будет направлен в международные организации.
-
New2025-01-21 18:54Налоговые декларации в их текущем виде не дают Комитету государственных доходов (КГД) Армении никакой новой информации, которая помогла бы выявить неуплаченные налоги. Об этом заявил депутат оппозиционного блока "Айастан" Тадевос Аветисян в парламенте.
-
New2025-01-21 17:04Глава МВД Турции Али Ерликая сообщил, что жертвами пожара в отеле Grand Kartal на горнолыжном курорте Карталкая в провинции Болу стали 66 человек.
-
New2025-01-21 17:03Министр обороны Азербайджана Закир Гасанов провел в оккупированном Степанакерте совещание, темой которного стала ситуация на «условной границе» с Арменией.