2021-01-08 09:44
Информагентства
Անհետ կորածների հարազատները Կառավարության անգործությունը կվիճարկեն Վարչական դատարանում
«Մեզ խաբում են ու քաշքշուկի մեջ գցում, որ հոգնենք, համակերպվենք, որոշ փոխհատուցումներ ստանանք, լեզուներս կարճանա»,- այս մասին ֆեյսբուքյան ուղիղ եթերում ասաց ավելի քան երկու ամիս Արցախում եղբորն ու եղբորորդուն փնտրող Արսեն Ղուկասյանը։
Ըստ նրա, ավելի քան 3 ամսվա պայքարը՝ անհետ կորածների, գերիների, զինվորների դիակները գտնելու համար հատվածական հաջողություններ է ունեցել միայն իրենց համառության հաշվին։
«Սակայն դա արդյունավետ ճանապարհ չէ ու ձեռնտու է միայն պատասխանատուներին, որոնք արդեն մեր դեմ ցուցմունքներ են հավաքում։ Այսօր մենք հասկացել ենք, որ չենք կարող իրենց աթոռին կպած զինվորականներին կամ չինովնիկներին ծեծելով, աշխարհի հայհոյանքները տալով, աշխատեցնել։ Մեզ խաբում են ու քաշքշուկի մեջ գցում, որ հոգնենք, համակերպվենք, որոշ փոխհատուցումներ ստանանք, լեզուներս կարճանա և այլն»,- նշեց նա։
Արսեն Ղուկասյանի խոսքով՝ այժմ մեկն է, որ սկսեն անզիջում և հետևողական իրավական պայքար նրանց դեմ, որոնք դավաճանել են երեխաներին։
«Պատրաստվում ենք քրեական պատասխանատվության ենթարկել թե զինվորականներին, թե քննիչներին, թե իշխանությանը, որը կոծկում է այս ամենը»,- նշեց նա։
Ղուկասյանը նաև ակնկալում է լրագրողների աջակցությունը՝ միջազգային մամուլում հրապարակումների առումով։
Նա դիմելով իրավաբաններին՝ նշեց, որ ակնկալում են նրանց աջակցությունը։
«Մեր նախաձեռնությունը նախատեսում է յուրաքանչյուրի հարազատի դեպքով հարուցել մեկ քրեական գործ և դա արդեն իրավաբանները կասեն, թե դրան տան զինվորական անփութության, թե դավաճանության հոդված։ Այդ գործերի շրջանակում պահանջելու ենք բաց ու թափանցիկ ձևով քննել մեր հարազատների մահվան հանգամանքները, ինչպես նաև նրանց մահվանը հանգեցրած զինվորականների մեղքը, ինչու ոչ՝ նաև Գերագույն գլխավոր հրամանատարի»,- ընդգծեց Արսեն Ղուկասյանը։
Նրա խոսքով՝ Հայաստանում կա ավելի քան 3000 փաստաբան և նրանցից 300-ը՝ յուրաքանչյուրը վերցնելով մեկ գործ, կարող են օգնել անհետ կորածների հարազատներին։
Արսեն Ղուկասյանը նշեց նաև, որ ուզում են Կառավարության անգործությունը վիճարկել Վարչական դատարանում, ստիպել, որպեսզի ի վերջո ասեն զոհվածների, գերեվարվածների ու անհետ կորածների ճշմարիտ թվերը։
Բացի այդ, հարազատները ցանկանում են իրավաբանների հետ քննարկել նաև ՄԻԵԴ դիմելու հարցը։
Պանորամա
ПОСЛЕДНИЕ ОТ АВТОРА
-
New2025-06-14 14:06Российская сторона выражает признательность Азербайджану за оказанное содействие в возвращении на родину российских граждан, пребывавших в Иране в момент атаки Израиля. Об этом говорится в сообщении МИД РФ.
-
New2025-06-14 14:03Армия обороны Израиля (ЦАХАЛ) расширяет масштабы военной операции против ядерной программы Ирана и наносит удары по десяткам военных объектов. Об этом заявил советник канцелярии израильского премьера Бениамина Нетаньяху Дмитрий Гендельман.
-
New2025-06-14 14:02Депутат Государственной Думы и директор Института стран СНГ Константин Затулин прокомментировал усиливающуюся антироссийскую риторику Азербайджана. В интервью изданию «Свободная пресса» он отметил, что официальный Баку, используя любые поводы, стремится дискредитировать российскую позицию, особенно в контексте карабахского конфликта.
-
New2025-06-14 13:59В Израиле среди армян, к счастью, пострадавших нет. Об этом Новости Армении-NEWS.am сообщил архимандрит (вардапет) Эммануэл Атаджанян.