2021-01-08 14:12
Информагентства
0
Ադրբեջանի նախագահը ոտնահարում է միջազգային մարդասիրական իրավունքը. ՀՀ ՄԻՊ
Արման Թաթոյանը միջազգային հանրության ուշադրությունը հրավիրում է այն փաստի վրա, որ Ադրբեջանի նախագահի ելույթի ձևակերպումներն ու շեշտադրումները ոտնահարում են միջազգային մարդասիրական ու, առհասարակ, մարդու իրավունքների միջազգային իրավունքը:
2021 թվականի հունվարի 7-ին Ադրբեջանի նախագահը 2020 թվականի ամփոփմանը վերաբերող իր ելույթում օգտագործել է ձևակերպումներ ու շեշտադրումներ, որոնք Ադրբեջանում հայատյաց քաղաքականության ու հայ ժողովրդի նկատմամբ թշնամանքի կազմակերպված քարոզի մաս են: Այս մասին հայտարարություն է տարածել ՀՀ Մարդու իրավունքների պաշտպան Արման Թաթոյանը։
«Մասնավորապես, ելույթում օգտագործվել են Հայաստանին ու հայաստանյան հասարակությանն ուղղված բացահայտ սպառնալիքներ, ողջ հայ ժողովրդին ահաբեկող ու արժանապատվությունը վիրավորող արտահայտություններ:
Խոսքը նաև վերաբերում է Արցախի մեկուսացմանը, դեպի Արցախ մարդասիրական օգնությունը խաթարելուն. սա իր հերթին ոտնահարում է միջազգային հանրահռչակ սկզբունքն առ այն, որ որևէ մեկը կամ որևէ մեկի իրավունք չպետք է անտեսվի` անկախ տարածքի քաղաքական կարգավիճակից»,-նշված է հաղորդագրության մեջ:
Հայաստանի մարդու իրավունքների պաշտպանն անհրաժեշտ է համարում արձանագրել, որ Ադրբեջանի նախագահի ելույթը պետք է դիտարկել այն համատեքստում, որ 2020 թվականի սեպտեմբեր-նոյեմբեր ամիսների պատերազմի ողջ ընթացքն ուղեկցվել է ադրբեջնական զինված ուժերի կողմից հայկական կողմի զինվորականների ու քաղաքացիական անձանց կյանքի ու առողջության, սեփականության և միջազգայնորեն ճանաչված մյուս իրավունքների կոպիտ խախտումներով, հայկական խաղաղ բնակավայրերին զանգվածային ավերածություններ պատճառելով:
Այս ելույթի ձևակերպումներն ու շեշտադրումները, ըստ ՄԻՊ-ի, պետք է դիտարկել նաև այն դատապարտելի գործողությունների համատեքստում, որ վերջին օրերին կատարում են ադրբեջանցի զինվորականները մեր երկրի սահմանային բնակիչների ու, առհասարակ, մեր ժողովրդի նկատմամբ:
Դա հստակ է երևում ընդամենը մի քանի օրինակով.
1) «Բարի գալուստ Ադրբեջան» նշագրումով ու ՀՀ տարածքի մասեր ընդգրկող քարտեզով ցուցանակի տեղադրումը Հայաստանի Սյունիքի մարզի երկու համայնքները` Գորիսն ու Որոտանը, իրար միացնող ճանապարհի միջնամասում ու դա խաղաղ բնակիչներին ահաբեկող եղանակով կատարելը.
2) Սյունիքի խաղաղ բնակավայրերում քաղաքացիական տների վրա ադրբեջանական դրոշներ տեղադրելն ու խաղաղ բնակիչներին ակնհայտ վիրավորող տեսանյութեր հրապարակելը` նրանց նաև ահաբեկելու նպատակով և այլն:
Եվ խաղաղ բնակիչներին սադրող այս գործողություններն արվում են մարդկության դեմ ուղղված ու պատերզմական այն հանցագործությունների ֆոնին, որ այս պատերազմի ընթացքում կատարել են ադրբեջանական զինված ուժերը հայ ժողովրդի նկատմամբ:
«Ուստի, հրավիրում եմ միջազգային հանրության ուշադրությունն այն փաստի վրա, որ Ադրբեջանի նախագահի 2021 թվականի հունվարի 7-ի ելույթի ձևակերպումներն ու շեշտադրումները ոտնահարում են միջազգային մարդասիրական ու, առհասարակ, մարդու իրավունքների միջազգային իրավունքը»,-հայտարարել է Արման Թաթոյանը:
Նա շեշտել է, որ ձևակերպումները բացարձակ դատապարտելի են ու ցույց են տալիս, որ Ադրբեջանում շարունակում են պետական ամենաբարձր մակարդակով խրախուսել հայատյաց քաղաքականությունն ու թշնամանքը հայ ժողովրդի նկատմամբ:
Sputnik Արմենիա
ПОСЛЕДНИЕ ОТ АВТОРА
-
2024-12-04 19:44Армения предлагала России, с учетом присоединения к Римскому статуту МУС, решить вопросы взаимоотношений по примеру двустороннего соглашения с США. Об этом премьер-министр Армении Никол Пашинян заявил в среду в ходе правительственного часа в парламенте.
-
2024-12-04 19:42Генеральный секретарь НАТО Марк Рютте в среду подверг резкой критике оружейные компании альянса, заявив, что они производят слишком мало, взимают слишком высокую плату и поставляют слишком медленно, сообщает Reuters.
-
2024-12-04 19:40Никол Пашинян заявил, что счел нецелесообразным проведение саммита Евразийского экономического союза в Ереване. Так он в ходе правительственного часа в парламенте ответил на вопрос, почему годовое заседание Высшего Евразийского экономического совета пройдет не в Ереване, столице председательствующей страны, а в Санкт-Петербурге.
-
2024-12-04 19:39Россия приветствует желание Ирана плотнее взаимодействовать с Евразийским экономическим союзом (ЕАЭС), заявил президент России Владимир Путин на пленарной сессии форума ВТБ "Россия зовет!".