Զոհի և դահճի հարաբերություններում ի՞նչ նախապայման. Սրապիոնյանը` ադրբեջանցի լրագրողին
Հայ–ադրբեջանական հարաբերությունների վերաբերյալ ադրբեջանցիների պատկերացումներին ականատես եղանք պատերազմի օրերին մեր գլխատված զինվորների, տանջամահ արված գերիների տեսքով։ Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ այս մասին ասաց «Ձայն հայրենյաց»նախաձեռնության անդամ, գրականագետ Սերժ Սրապիոնյանը` ի պատասխան ադրբեջանցի լրագրողների մեկի այն հարցին, թե ինչպե՞ս են պատկերացնում մտավորականները հայերի և ադրբեջանցիների հետագա հարաբերությունները և դրա համար կա՞ն նախապայմաններ։
Նշենք, որ առցանց ասուլիսի մասին նախապես հայտարարվել էր և ադրբեջանցի լրագրողը հարց էր ուղղել էլեկտրոնային նամակի միջոցով։
«Լրագրողն ինքն ինչպե՞ս է պատկերացում հայ–ադրբեջանական հարաբերություններն այն երկրի հետ, որի առաջին դասարանցի աշակերտի առաջին նախադասությունն է.«Իմ թշնամին հայն է»։ Ինձ հետաքրքիր է` այդ աշակերտը երբ ավարտում է դպրոցն, ինչպե՞ս է պատկերացնում հարաբերությունները հայերի հետ։ Այդ պատկերացումները մենք տեսանք պատերազմի օրերին»,–ասաց Սրապիոնյանը։
Նրա խոսքով` մինչև Ադրբեջանն իր դպրոցներում այդ հայատյացությունը չվերացնի, այն թույնը, որը ներարկել է իր հասարակության մեջ, չվերացնի, հայ–ադրբեջանական հարաբերությունների համար դեռ որևէ այլ պայման դրվել չի կարող։ Սրապիոնյանը վստահեցնում է` ադրբեջանցիները նախ ինքնամաքրման խնդիր ունեն։
Գրականագետին հետաքրքրում է նաև մեկ հարց` նույն ադրբեջանցի լրագրողը ծափահարո՞ւմ էր Թուրքիայի նախագահ Ռեջեփ Թայիփ Էրդողանին, երբ նա Բաթվի շքերթի ժամանակ արտասանում էր հայտնի բանաստեղծությունը (2020թ.–ի դեկտեմբերի 10-ին Բաքվի շքերթի ժամանակ Էրդողանը մեջբերեց ադրբեջանցի բանաստեղծ Բախթիյար Վահաբզադեի խոսքերը` «Արաքսը մեզանից բաժանեցին, երկաթներով ու քարերով լցրին. ես քեզնից չէի բաժանվի, մեզ ստիպողաբար են բաժանել»,–խմբ.)։
Սրապիոնյանը հիշեցնում է, որ այդ բանաստեղծության մեջ սերմանվում են ատելություն և ծավալապաշտական տրամադրություններ, որոնք ոչ այլ ինչ են, քան հայերի ոչնչացման անհրաժեշտության գիտակցումը։
«Ինչպե՞ս է ադրբեջանցի լրագրողը պատկերացնում զոհի և դահճի հարաբերություններում ինչ–որ նախապայման։ Նախապայմանն առաջին հերթին պետք է լինի դիմացինի կյանքի, իրավունքների նկատմամբ հարգանքը։ Նման երկերեսանի հարցերով փորձել մեղմել այն ամենն, ինչ արվել է վերջին 150 տարիների ընթացքում թուրք ցեղախմբի կողմից հայերի նկատմամբ, ես առնվազն երեսպաշտական մոտեցում եմ համարում»,–ասաց Սրապիոնյանը։
Սրապիոնյանը հիշեցրեց նաև Թուրքիայի արտգործնախարար Մևլյութ Չավուշօղլուի` դեռ 2020թ.–ի դեկտեմբերին կայացած ասուլիսի ժամանակ հնչեցրած հայտարարությունը, որով կոչ էր անում հայերին բարեկամական քայլերի։
Գրականագետը նշեց` մենք համաձայն ենք այդ բարեկամությանը և երբեք բարեկամաբար մեզ մեկնված ձեռքը չենք մերժել, բայց համաձա՞յն է արդյոք Չավուշօղլուն մեզ ճանապարհ տալ մինչև Միջերկրական ծով` ինչպես մեզ պարտադրում են Մեղրիով իրենց համար ճանապարհ բացել։
Սրապիոնյանն իր խոսքն ամփոփեց` ասելով, որ ադրբեջանցիները նախ թող մտածեն իրենց քաղաքական նկրտումների և կեղծ մարդասիրական հարցադրումների մասին, հետո միայն կարելի կլինի բանավիճել այլ արժեքների շուրջ, եթե անհրաժեշտություն լինի։
Sputnik Արմենիա
ПОСЛЕДНИЕ ОТ АВТОРА
-
2024-04-30 16:52
По сравнению с аналогичным периодом прошлого года количество туристов, прибывших в Армению, сократилось на 3 процента, сообщил на встрече с журналистами председатель Центрального банка Мартин Галстян.
-
2024-04-30 16:51
Азербайджан выступает за прямые двусторонние мирные переговоры с Арменией, которые зарекомендовали себя как наиболее эффективное и успешное решение. Как сообщают азербайджанские СМИ, об этом заявил министр иностранных дел Азербайджана Джейхун Байрамов.
-
2024-04-30 16:49
Передачу ведущего Владимира Соловьева в общественном мультиплексе Армении заменит культурная или художественная программа, сказал глава Комиссии по телевидению и радио Тигран Акопян в парламенте, представляя отчет о проделанной работе за 2023 г, передает Sputnik Армения.
-
2024-04-30 16:45
Министр внутренних дел Франции Жеральд Дарманен прокомментировал активное вмешательство Азербайджана в вопрос Новой Каледонии.