2021-01-11 09:30
Информагентства
ՌԴ ՊՆ. Պահպանվում է չընդհատվող փոխգործակցություն Հայաստանի եւ Ադրբեջանի զինված ուժերի գլխավոր շտաբերի հետ
Ռուս խաղաղապահները 23 դիտակետերում անցկացնում են իրադրության շուրջօրյա մոնիթորինգ եւ հրադադարի ռեժիմի պահպանման վերահսկողություն: Հրադադարի ռեժիմը պահպանվում է շփման գծի ողջ երկայնքով: Այս մասին հաղորդում է Ռուսաստանի պաշտպանության նախարարությունը:
Ռուսական խաղաղապահ զորախումբն ապահովում է քաղաքացիների անվտանգ վերադարձը իրենց մշտական բնակության վայրեր, ցուցաբերվում է հումանիտար օգնություն, վերականգնվում են քաղաքացիական ենթակառուցվածքային օբյեկտները:
Մեկ օրում ռուս խաղաղապահներն ապահովել են Հայաստանի տարածքից Լեռնային Ղարաբաղ 218 փախստականների անվտանգ վերադարձը: 2020 թվականի նոյեմբերի 14-ից Լեռնային Ղարաբաղում նախկին բնակության վայրեր է վերադարձել 48 459 մարդ:
Ռուսաստանի պաշտպանության նախարարության Հակաականային միջազգային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքը: 2020 թվականի նոյեմբերի 23-ից չպայթած ռազմամթերքից մաքրվել է 479,2 հա տարածք, 182,8 կմ ճանապարհ, 710 շենք-շինություն, այդ թվում՝ 22 սոցիալական նշանակության օբյեկտներ, հայտնաբերվել եւ վնասազերծվել է 23 087 պայթյունավտանգ առարկա:
Ռուսական արտագնա բժշկական բրիգադը Վանք բնակավայրում (Ստեփանակերտից 33 կմ հյուսիս-արեւմուտք) 18 բնակչի ցույց է տվել ամբուլատոր-պոլիկլինիկական օգնություն, այդ թվում՝ 2 երեխայի: Ռուս ռազմական բժիշկները օգնություն են ցույց տվել Լեռնային Ղարաբաղի ընդհանուր 1 218 բնակչի, այդ թվում՝ 155 երեխայի:
Ռուսական խաղաղապահ զորախումբը Կարմիր խաչի միջազգային կոմիտեի եւ Լեռնային Ղարաբաղի ԱԻՆ-ի ներկայացուցիչների հետ փոխգործակցությամբ շարունակում է մարտական գործողությունների ժամանակ զոհվածների մարմինների որոնումն ու փոխանցումը:
Լեռնային Ղարաբաղում հակամարտության անհետ կորած մասնակիցների մասին տեղեկությունների հավաքման «Թեժ գծի» աշխատանքի ընթացքում ընդունվել է 574 դիմում: Բոլոր դիմումները փոխանցվել են Կողմերի հաշտեցման կենտրոնի որոնողական խմբին:
Ռուսական խաղաղապահ զորախմբի բոլոր գործողությունները կատարվում են կորոնավիրուսային վարակի տարածումը թույլ չտալու միջոցների պահպանմամբ:
Ռուսական խաղաղապահ զորախմբի պատասխանատվության գոտում հնարավոր միջադեպերը կանխելու համար պահպանվում է չընդհատվող փոխգործակցություն Հայաստանի եւ Ադրբեջանի զինված ուժերի գլխավոր շտաբերի հետ:
Լուրեր Հայաստանից - NEWS.am
ПОСЛЕДНИЕ ОТ АВТОРА
-
2025-07-12 21:19Член Совета по защите прав арцахцев Артак Мкртчян объявил сидячую забастовку на Площади Свободы.
-
2025-07-12 21:08Пятидесятиметровый флаг Арцаха развернули перед началом митинга на площади Свободы в центре Еревана.
-
2025-07-12 21:05Совет по защите прав арцахцев провёл акцию на площади Свободы в Ереване, требуя от властей Армении комплексных решений проблем перемещенных из Нагорного Карабаха граждан. Один из членов Совета, Апрес Маргарян, заявил, что правительство ограничилось мерами косметического характера и не ответило на ключевые запросы.
-
2025-07-12 21:01Часть азербайджанских рейсов Баку — Нахчыван переведена на новый маршрут полетов через воздушное пространство Армении, сообщают азербайджанские СМИ. Отмечается, что теперь они «преодолевают на 100 км армянского неба меньше, чем раньше».