2021-01-12 21:23
Информагентства
Կարեն ԲԵՔԱՐՅԱՆ․ ԱՌԱՋՆԱՀԵՐԹՈՒԹՅՈՒՆՆԵՐԸ, ՈՐՈՆՑ ՄԱՍԻՆ ԽՈՍՈՒՄ ԷՐ ՎԱՐՉԱՊԵՏԸ ՄՈՍԿՎԱ ՄԵԿՆԵԼՈՒՑ ԱՌԱՋ, ՀԵՐԹԱԿԱՆ ՍՈՒՏՆ ԷԻՆ
Մոսկվայում կայացած Փաշինյան-Ալիև-Պուտին հանդիպումը խայտառակություն էր՝ հանդիպման փաստի, օրակարգի և բովանդակություն առումով: Այս մասին «Տողերի արանքում» հաղորդաշարի հերթական թողարկման եթերում նշել է վերլուծաբան Կարեն Բեքարյանը:
«Փաստացի ստորագրված հայտարարությունից կարելի է ֆիքսել, որ օրակարգում չկար մարդասիրական տեսանկյունից մեր ամենակարևոր խնդիրը՝ ռազմագերիների, պատանդների վերադարձնելու հարցը: Այն առաջնահերթությունները, որի մասին խոսում էր վարչապետը Մոսկվա մեկնելուց առաջ, հերթական սուտն էր սեփական հանրությանը», - ընդգծել է Կարեն Բեքարյանը:
Անդրադառնալով հունվարի 11-ի եռակողմ հայտարարության բովանդակությանը, որը վերաբերում է բացառապես նոյեմբերի 9-10-ի հայտարարության 9-րդ կետին` վերլուծաբանն ուշադրություն է հրավիրել, որ այդ կետով մնացած բոլոր տնտեսական և տրանսպորտային կոմունիկացիաների հարցում չկա երաշխավորի և վերահսկողի խնդիր, և միայն Նախիջևանն Ադրբեջանի արևմտյան շրջաններին կապող ճանապարհի պարագայում է ամրագրված այս խնդիրը: Ամրագրված է նաև, որ Նախիջևան-Ադրբեջանի արևմտյան շրջաններ կոմունիկացիայի համար կողմերը պետք է պայմանավորվեն հաղորդակցության նոր ուղիների ստեղծման հարցում:
«Հուվարի 11-ի հայտարարության մեջ հետաքրքիր տրամաբանություն է դրված. խոսվում է 9-րդ կետի առաջին հատվածի մասին, սակայն գործողությանն անցնող կետի մեջ նշվում է, որ փոխվարչապետերի մասնակցությամբ ստեղծվող եռակողմ հանձնաժողովի համատեղ նիստի ժամանակ պետք է բանաձևվեն աշխատանքի հիմնական ուղղությունները», - նշել է նա՝ հիշեցնելով, որ 9-րդ կետը միայն մեկ ճանապարհ էր մասնավորեցնում, մնացածը տեսական հիմքի վրա էր:
«Կարելի է եզրակացնել, որ այս «հիմնական» բառը հենց այդ նույն ճանապարհին է վերաբերում», - նշել է Կարեն Բեքարյանը:
Ըստ վերլուծաբանի՝ հայտարարության մեջ շատ հերաքրքիր նյուանս էր նաև այն, որ պետք է ներկայացվեն նախագծերի ցանկը՝ հիմնավորումներով և անհրաժեշտ ռեսուրսների գնահատմամբ: «Այսինքն՝ վաղը մենք ունենալու ենք նոր հիմնավորում ինչ-որ բան չանելու համար՝ ի դեմս ռեսուրսների պակասի կամ բացակայության», - նշել է նա:
Ինչ վերաբերում է Փաշինյանի հայտարարությունը, թե մենք դեռ կարգավիճակի հարց ունենք լուծելու, ապա Կարեն Բեքարյանի կարծիքով, հակամարտության կարգավորված լինելու մասին Ալիևի հայտարարությունից հետո Փաշինյանն այս կերպ իր թիմին հնարավորություն է տալիս հասարակությանը մոլորեցնել: «Ինչ-որ մեկը պատկերացրե՞ց, որ մենք ի վիճակի ենք լինելու լուծել այդ հարցն իրենով», - նշել է նա:
ПОСЛЕДНИЕ ОТ АВТОРА
-
New2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.
-
2025-06-07 15:13Кандидат в премьер-министры от фракции Национального собрания «Честь имею» Давид Амбарцумян пишет: