2021-01-13 10:27
Информагентства
Որտե՞ղ էր պատերազմի ժամանակ Արման Սարգսյանը
ՀՀ նախկին ոստիկանապետ Արման Սարգսյանը չի ցանկանում մեկնաբանել, թե ինչու է համաձայնել նշանակվել պաշտպանության փոխնախարարի պաշտոնում։
News.am-ի հարցին, թե որտե՞ղ էր պատերազմի ժամանակ և ի՞նչ ծառայություններ է մատուցել այդ ընթացքում երկրին և պաշտպանության նախարարությանը, Սարգսյանը հրաժարվեց պատասխանել՝ նշելով. «հետո կխոսենք»։ Մինչ նորանշանակ պաշտոնյան կկողմնորոշվի, News.am-ին ուշագրավ մանրամասներ են հայտնի դարձել նրա նշանակումից։
Լուրեր են շրջանառվում, թե պատերազմի ընթացքում Արման Սարգսյանն իր հավատարմությունն է հայտնել Փաշինյանին՝ խնդրելով իրեն ազգային անվտանգության ծառայության պետական պահպանության ծառայության պետ նշանակել՝ խոստանալով «օպերատիվնիկի» իր փորձն օգտագործելով նախկին և ներկա պաշտոնատար անձանց վերաբերյալ տեղեկություններ հավաքելու համար։ Նիկոլ Փաշինյանն ասել է, որ կմտածի առաջարկի շուրջ, սակայն, հաշվի առնելով, որ խոսքը վերաբերել է առաջին հերթին իր անձնական անվտանգության պահպանությանը, վարչապետը որոշել է ռիսկի չգնալ և «դրսից» նոր մարդ չնշանակել։ Արդյունքում նախորդ տարեվերջին այդ պաշտոնում է նշանակել պետական պահպանության ծառայության պետի տեղակալ Սարգիս Հովհաննիսյանը, որը ժամանակին եղել է Հայաստանի առաջին նախագահ Լևոն Տեր-Պետրոսյանի թիկնազորում։
Փոխարենը Նիկոլ Փաշինյանը Արման Սարգսյանին առաջարկել է զբաղեցնել պաշտպանության փոխնախարարի պաշտոնը, որը արդեն երկու ամիս է՝ թափուր էր և հարուցել էր ՊՆ աշխատակազմի դժգոհությունը։ Բանն այն է, որ նախկինում պաշտպանության ոլորտին առնչվող օրենսդրական աշխատանքները համակարգում էր մասնագիտությամբ իրավաբան Գաբրիել Բալայանը, իսկ նրա հրաժարականից հետո ՊՆ–ի շարքային աշխատակիցների և վարչության պետերի վրա լրացուցիչ պարտականություններ էին դրվել, ինչի արդյունքում ՊՆ–ում, մեղմ ասած, քաոսային իրավիճակ էր։ Արման Սարգսյանին այդ պաշտոնում նշանակելով, Փաշինյանը նաև հույս ունի, որ նախկին ոստիկանապետը «օպերատիվնիկի» իր հմտությունները կօգտագործի պաշտպանական գերատեսչության ներսում հնարավոր խռովությունների մասին իրեն իրազեկելու և ռուսական կողմնորոշում ունեցող պաշտպանության նախարար Վաղարշակ Հարությունյանին «վերահսկելու» համար։
ПОСЛЕДНИЕ ОТ АВТОРА
-
New2025-05-09 14:19Президент России Владимир Путин поздравил ветеранов, сидевших в ложе почетных гостей на Красной площади во время Парада Победы.
-
New2025-05-09 14:15В ереванском парке Победы завершился марш «Бессмертного полка», организованный в 80-ую годовщину Победы в Великой Отечественной войне.
-
New2025-05-09 13:52Выступление премьер-министра Никола Пашиняна 7 мая в парламенте, сопровождавшееся оскорблениями и угрозами в адрес оппозиционных депутатов, в том числе жестом перерезания горла, вызвало волну критики в обществе. Председатель правозащитной общественной организации "Безопасность и демократия", бывший депутат Наира Зограбян заявила, что мы имеем дело с опасной пропагандистской манипуляцией и психологическим давлением с государственной трибуны.
-
New2025-05-09 13:14Прославленный армянский борец греко-римского стиля, многократный призер чемпионатов мира, Европы и Игр-2012 Арсен Джулфалакян стал серебряным призером Панамериканского чемпионата по борьбе в мексиканском Монтеррее, сообщает Федерация борьбы РА в Facebook-е.