2021-01-13 14:11
Информагентства
Դավիթ Բաբայան․ Արցախը հիմնովին ոչնչացնելու Ադրբեջանի պլանը ձախողվել է
Ղարաբաղի վերաբերյալ եռակողմ հայտարարությունը շեշտում է տրանսպորտային հաղորդակցության ապաշրջափակման կարևորությունը տարածաշրջանում՝ խաղաղություն և կայունություն հաստատելու համար, և հուսով ենք, որ դա վերաբերում է նաև Արցախին։ Խոսքը, մասնավորապես, Ստեփանակերտի օդանավակայանի և այլ տրանսպորտային հանգույցների օգտագործման մասին է: Այս մասին Արցախի հանրային հեռուստատեսությանը տված հարցազրույցում ասաց Արցախի արտաքին գործերի նախարար Դավիթ Բաբայանը:
Այս համատեքստում Արցախի արտգործնախարարը նշել է նաև ճանապարհի կառուցման կարևորությունը, որը կդառնա Բերձորի մայրուղու այլընտրանք: Հիմա շատ բարդ ու վտանգավոր է Ադրբեջանի՝ արկածախնդրության դիմելը։ Այնպես է ստացվել, որ ռազմական գործողություններն արդեն հղի են գլոբալ բախումներով, էլ չեմ ասում՝ տարածաշրջանային, որովհետև այստեղ արդեն ռուս խաղաղապահներն են։ Իրենք դա լա՛վ են հասկանում։
«Եթե կա հայկական Արցախ, ուրեմն Արցախը հիմնովին ոչնչացնելու Ադրբեջանի պլանը ձախողվել է»,- ասաց Բաբայանը՝ ավելացնելով․
«Մենք գործ ունենք շատ պատրաստված թշնամու հետ՝ ի դեմս Ադրբեջանի ու Թուրքիայի, առաջին հերթին, դժբախտաբար, պատրաստված ինտելեկտուալ առումով, քանի որ ստեղծել է «մեքենա» և յուրաքանչյուր մեր խոսքին հետևում է, նաև՝ էմոցիոնալ ֆոնին։
Պատերազմի պետք է սպասել միշտ, որպեսզի պատրաստ լինենք։ Սակայն, այն սկսելու համար ադրբեջանական զորքը պետք է ճեղքի ռուսական խաղաղապահների պատնեշը։ Այնուամենայնիվ, պետք է հասկանալ, որ տեղի է ունեցել մեծ աշխարհաքաղաքական փոփոխություն»։
Բաբայանն ասաց, որ Արցախի Հանրապետությունը կայացած և անկախ դե ֆակտո պետություն է, մնում է միայն Արցախի կարգավիճակը դե յուրե ապահովել:
Մեկնաբանելով Ադրբեջանի նախագահ Իլհամ Ալիևի այն հայտարարությունը, թե Ղարաբաղյան հակամարտությունն արդեն կարգավորվել է, Բաբայանն ասաց, որ Արցախի արտգործնախարարի խոսքերով, պետք է շարունակել Արցախի միջազգային ճանաչման գործընթացը:
«Միգուցե մենք պետք է այս գործընթացում որոշ նոր տարրեր ներմուծենք, վերանայենք մեր ռազմավարությունը, բայց այս գործընթացը պետք է շարունակել», – շեշտեց Բաբայանը, տեղեկացնում է ArmeniaToday.news-ը:
ПОСЛЕДНИЕ ОТ АВТОРА
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.
-
2025-05-10 13:57Секретарь фракции «Честь имею» Национального собрания Армении Тигран Абрамян написал: